Elimizdegi ekonomıkalyq-áleýmettik saladaǵy ózgerister

Osy oraıda qysqa merzimdi, ıaǵnı aı saıynǵy jáne toqsandyq, jartyjyldyq ekonomıkalyq ındıkatordy esepteý jedeldilikti qamtamasyz etý maqsatynda júzege asyrylatynyn jáne jalpy ishki ónimniń 60 paıyzynan astamyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeletinin atap ótemiz. 

Qazaqstan Respýblıkasy Ulttyq eknomıka mınıstrligi Statıstıka komıtetiniń deregi boıynsha qysqa merzimdi ekonomıkalyq ındıkator 2016 jylǵy qańtar-maýsymda 2015 jylǵy qańtar-maýsymǵa qaraǵanda 99,3 paıyz qurady.  Osy rette 2016 jylǵy qańtar-maýsymda negizgi kapıtalǵa salynǵan ınvestıtsııalar kólemi 3030,8 mlrd. teńgege jetip, bul 2015 jylǵy qańtar-maýsymǵa qaraǵanda 8,5 paıyz artyq boldy.

Esepti kezeńde, ıaǵnı 2016 jylǵy qańtar-maýsymda ónerkásip óndirisiniń kólemi qoldanystaǵy baǵalarda 8512 mlrd. teńgeni qurady, sóıtip 2015 jylǵy qańtar-maýsymǵa qaraǵanda 1,6 paıyz azaıdy. Óńdeý ónerkásibinde óndiris kólemi 0,5 paıyz artty. Ken óndirý ónerkásibinde jáne karerlerdi qazýda óndiris kólemi 3,4 paıyz, elektrmen jabdyqtaý, gaz, bý berý jáne aýa baptaýda 0,7paıyz, sýmen jabdyqtaýda, káriz júıesi, qaldyqtardy jınaý jáne bólýdi baqylaýda 5,9 paıyz tómendedi. 2016 jylǵy qańtar-maýsymda aýyl sharýashylyǵy jalpy óniminiń kólemi 794 mlrd. teńgeni qurap, 2015 jylǵy qańtar-maýsymǵa qaraǵanda 2,7 paıyz artty.

Kólik salasy boıynsha 2016 jylǵy qańtar-maýsymda naqty kólem ındeksi 104,3 paıyzdy qurady. 2016 jylǵy qańtar-maýsymda júk aınalymynyń kólemi kommertsııalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen 240,6 mlrd. tonna-kılometr bolyp, 2015 jylǵy qańtar-maýsymmen salystyrǵanda 0,9 paıyz artty. Jolaýshylar aınalymynyń kólemi 124,1 mlrd. júk-kılometr qurap, 1,9 paıyz artty. 
Baılanys salasy boıynsha 2016 jylǵy qańtar-maýsymda  naqty kólem ındeksi 95,9 paıyzdy qurady. 2016 jylǵy qańtar-maýsymda saýda salasy boıynsha naqty kólem ındeksi 95,1 paıyz boldy. 2016 jylǵy qańtar-maýsymda bólshek saýda kólemi salystyrmaly baǵada 3371,9 mlrd. teńgege jetip, 2015 jyldyń tıisti kezeń deńgeıimen salystyrǵanda 99,1 paıyz boldy. 2016 jylǵy qańtar-maýsymda kóterme saýda kólemi salystyrmaly baǵada 7683,6 mlrd. teńge bolyp, 2015 jyldyń tıisti kezeń deńgeıimen salystyrǵanda 93,4 paıyz qurady. 2016 jylǵy qańtar-mamyrda syrtqy saýda aınalymy 23001,1 mln. AQSh dollaryna jetti, 2015 jylǵy qańtar-mamyrmen salystyrǵanda 29,9 paıyz tómendedi, sonyń ishinde eksport 13753,7 mln. AQSh dollaryn, ımport 9247,4 mln. AQSh dollaryn qurady. 2016 jylǵy 1 shildedegi jaǵdaı boıynsha tirkelgen zańdy tulǵalardyń sany 372244 birlik boldy, ótken jylǵy sáıkes kezeńmen salystyrǵanda 5,1 paıyz artty, onyń ishinde 100 adamnan kem qyzmetkerleri bar uıymdar sany 363160 birlik boldy. Jumys istep turǵan zańdy tulǵalardyń sany 231704 birlik qurady, onyń ishinde 223028-y shaǵyn kásiporyndar boldy.

Tutyný baǵasynyń ındeksi 2016 jylǵy maýsymda 2015 jylǵy jeltoqsanmen salystyrǵanda 104,6 paıyz qurady. Azyq-túlik taýarlar baǵalary 5 paıyz, azyq-túlik emes taýarlar - 4,7 paıyz, halyqqa arnalǵan aqyly kórsetiletin qyzmetter - 4,1 paıyz ósti. Ónerkásip ónimderine óndirýshi kásiporyndar baǵasy 2016 jylǵy maýsymda 2015 jylǵy jeltoqsanmen salystyrǵanda 9,6 paıyz joǵarylady.

Áleýmettik salany alatyn bolsaq, 2016 jylǵy mamyrda halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 69913 teńgeni qurady, bul kórsetkish 2015 jylǵy mamyrǵa qaraǵanda 5,6 paıyz joǵary boldy, al naqty aqshalaı tabys kórsetilgen kezeńde 9,5 paıyz tómendedi. 2016 jylǵy maýsymda bir qyzmetkerdiń ortasha aılyq ataýly jalaqysy baǵalaý boıynsha 131769 teńge boldy. 2016 jylǵy maýsymda jumyssyzdar sany baǵalaý boıynsha 438,7 myń adamdy qurady. Jumyssyzdyq deńgeıi ekonomıkalyq belsendi halyq sanyna shaqqanda 4,9 paıyzǵa jetti. Jumyspen qamtý organdarynda jumyssyzdar retinde tirkelgender sany 2016 jylǵy maýsym sońyna 68,5 myń adamdy qurady nemese ekonomıkalyq belsendi halyq sanyna shaqqanda 0,8 paıyz boldy.