Elimizdegi «e-statıstıka» júıesi 2013 jylǵa qaraı qazirgi zamanǵy aqparattyq ınfraqurylymdy aıtarlyqtaı jaqsartýǵa múmkindik týǵyzady

Bul týraly búgin Qazaqstannyń memlekettik statıstıkasynyń 90 jyldyǵyna arnalǵan halyqaralyq ǵylymı-tájirıbelik konferentsııa barysynda QR Úkimet basshysynyń orynbasary Erbol Orynbaev aıtty.

«Qazirgi kezde «e-úkimet» aqparattyq júıesin iske asyrý aıasynda memlekettik organdardyń aqparattyq júıeleriniń yqpaldasýy júrgizilip jatyr. Atap aıtqanda, Úkimet barlyq baǵyttarǵa qoldaý jasap, agenttik suraǵan qajetti qarjyny bóldi. Bul turǵydaǵy másele, ıaǵnı tehnıkalyq ekonomıkalyq negizdemeni daıarlaýǵa 15 mln. teńgeni, sondaı-aq «e-statıstıka» yqpaldastyq júıesin qurý men damytýǵa 34 mln. teńgeni ıgerýge qatysty bolyp otyr»,- dedi E. Orynbaev.

«Meniń paıymdaýymsha, 2013 jylǵa qaraı osyny júzege asyrý qazirgi zamanǵy aqparattyq tehnologııalar talabyna saı keletin aqparattyq ınfraqurylymdy aıtarlyqtaı jaqsartýǵa múmkindik beredi»,- dedi Úkimet basshysynyń orynbasary.

E. Orynbaev agenttik statıstıkalyq kórsetkishter júıesin halyqaralyq tájirıbege sáıkes keltirip, ádistemelik negizdi quryp jáne ony jetildirýge, sondaı-aq sapaly málimetter men derekterdi berýge qol jetkizgenin aıtyp ótti.