Elimizdegi densaýlyq saqtaý salasyna qatysty jaǵymsyz aqparattar azaıyp keledi – Baǵdat Qojahmetov
«Osydan 2 aı buryn Densaýlyq saqtaý mınıstri Alekseı Tsoı Úkimet otyrysynda BAQ jáne áleýmettik jelilerde densaýlyq saqtaý júıesine qatysty jaǵymsyz aqparattar sany 10%-dan tómen bolýy kerek degen mindet qoıǵan bolatyn. Bul baǵyt boıynsha jumys júrgizilýde. Qazirgi tańda densaýlyq saqtaý júıesine qatysty synı aqparattar kún saıyn azaıyp keledi. Biz áleýmettik jelilerde belsendi bolyp, azamattardyń suraqtaryna jaýap berýdemiz. Kún saıyn medıa saraptama jasap otyramyz. 10% týraly aıtýǵa áli erte, árıne. Bul jerde áńgime densaýlyq salasy týraly jaǵymsyz aqparatty azaıtý emes, másele – densaýlyq saqtaý mınıstrliginiń jumysyn jaqsartý», - deıdi QR Densaýlyq saqtaý mınıstrliginiń resmı ókili Baǵdat Qojahmetov.
Onyń aıtýynsha, densaýlyq saqtaý salasynyń bedeline áser etetin faktor kóp.
«Mysaly, pandemııa Qazaqstan úshin ǵana emes, basqa memleketter úshin de kútpegen jaǵdaı boldy. Bul dertten qaıtys bolǵandar, emdelgennen keıin qandaı asqynýlar bolýy múmkin ekenine baılanysty áli de zertteý túsý kerek jaǵdaılar bar. Álem boıynsha bolyp jatqan bul jaǵdaıǵa qandaıda bir áser ete alýymyz qıyn. Jaqyn arada koronavırýsqa qarsy vaktsına shyǵyp, ony barynsha tıimdi emdeý joldary belgili bolady dep úmittenemiz», - deıdi ol.