Elimizdegi dárihanalarda paratsetamol kólemi artty
«Biz únemi otandyq óndirýshilerdi qoldaýǵa daıynbyz. Olar jańaǵy paratsetamol, aspırın jáne basqa da qajetti dárilerdi shaǵarýyna qoldaý jasaımyz. Bul máselede halyq tarapynan suranystyń kúrt artýy paratsetamoldyń osyndaı tapshylyǵyn kórsetti», - dedi N. Asylbekov Ortalyq kommýnıkatsııalar qyzmetinde.
Onyń sózine qaraǵanda, qazirgi kezde naryqty dári-dármekpen tolyqtyrý jumystary júrip jatyr. Osy oraıda paratsetamol dárihanalar men qoımalarda eselep artty. Sáıkesinshe, óndirýshiler ózderiniń óndirý qýatyn joǵarylatty,
Budan buryn habarlanǵandaı, QR DSM Taýarlar men kórsetiletin qyzmetterdiń sapasy men qaýipsizdigin baqylaý komıteti tóraǵasynyń orynbasary Nurlybek Asylbekov COVID-19 indetinen emdeý úshin dárilik zattardyń 48 paıyzyn otandyq óndirýshiler óndirip jatqanyn aıtty.
Sonymen qatar QR Densaýlyq saqtaý mınıstrliginiń resmı ókili Baǵdat Qojahmetov medıtsına júıesi aldaǵy koronavırýs indetiniń taralýy múmkin jańa tolqynyna daıyn ekenin aıtty.