Elimizdegi birqatar óńirde jel kúsheıedi
NUR-SULTAN. QazAqparat – Elimizdiń birqatar óńirinde aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
29 tamyzda Nur-Sultan qalasynda naızaǵaı jarqyldaıdy, ońtústik-shyǵystan soǵatyn jel ońtústik-batysqa aýysady, ekpini 15-20 m/s jetedi.
29-31 tamyzda Aqmola oblysynyń keı jerlerinde naızaǵaı, daýyl, burshaq kútiledi. 29-30 tamyzda ońtústik-shyǵystan soqqan jel ońtústik-batysqa aýysady, túnde keı jerlerde 15-20 m/s, kúndiz 15-20, ekpini 23-28 m/s, 31 tamyzda ońtústik-batystan jel soǵady, keı jerlerde 15-20 m/s kútiledi.
29 tamyzda kúndiz, 30 tamyzda táýlik boıy Kókshetaý qalasynda naızaǵaı jarqyldaıdy. Kúndiz 30-31 tamyzda ońtústik-batystan jel soǵady, ekpini 15-20 m/s jetýi múmkin.
29 tamyzda Mańǵystaý oblysynyń keı jerlerinde naızaǵaı jarqyldap, shańdy daýyl soǵyp, jel soltústik-batysqa aýysady, ekpini 15-20 m/s-ge jetýi yqtımal.
Sol kúni kúndiz Aqtaý qalasynda shańdy daýyl turady, soltústik-batystan soǵatyn jeldiń ekpini 15-18 m/s jetýi múmkin.
29 tamyzda Qyzylorda oblysynyń keı jerlerinde naızaǵaı, daýyl, shańdy daýyl kútiledi. Batystan jel soǵady, kúshi túnde keı jerlerde 15-20 m/s, kúndiz 15-20, keı jerlerde 23-28 m/s kútiledi.
Sol kúni kúndiz Qyzylorda qalasynda naızaǵaı, daýyl, shańdy daýyl kútiledi. Batystan jel soǵady, kúshi kúndiz 15-20, ekpini 23 m/s jetýi yqtımal.
29 tamyzda Batys Qazaqstan oblysynyń keı jerlerinde soltústikten soǵatyn jeldiń kúshi 15-20 m/s jetedi.
Sol kúni Oral qalasynda soltústikten soǵatyn jeldiń ekpini 15-20 m/s jetýi múmkin.
29 tamyzda túnde Atyraý oblysynyń keı jerlerde naızaǵaı, kúndiz shańdy daýyl soǵady. Soltústik-batystan soqqan jel túnde keı jerlerde 15-20, kúndiz 17-22 m/s jetedi.
Sol kúni kúndiz Atyraý qalasynda shańdy daýyl soǵady. Soltústik-batystan soqqan jeldiń ekpini 15-20 m/s jetýi yqtımal.
