Elimizdegi birqatar óńirde aýa raıyna baılanysty eskertý jarııalandy
NUR-SULTAN. QazAqparat – Elimizdegi alty oblys aýmaǵynda aýa raıynyń qolaısyzdyǵyna baılanysty sınoptıkter eskertý jarııalady, dep habarlaıdy QazAqparat Qazgıdrometke silteme jasap.
12 qarashada batysynda túnde jáne tańerteń Soltústik Qazaqstan oblysynyń ońtústiginde tuman túsedi, kóktaıǵaq bolýy yqtımal. Soltústik-batystan soǵatyn jel ońtústik-batysqa aýysaly, kúndiz oblystyń ońtústik-batysynda ekpini 15-20 m/s jetedi.
12 qarashada tańerteń jáne kúndiz Túrkistan oblysynyń soltústiginde, taýly aýdandarynda shańdy daýyl turady, ońtústik-batystan, batystan soqqan jeldiń jyldamdyǵy 15-20 m/s jetedi.
12 qarashada kúndiz Qaraǵandy oblysynyń soltústiginde ońtústik-batystan jel soǵady, ekpini 15-20 m/s jetedi.
12 qarashada túnde Aqmola oblysynyń soltústiginde, batysynda, kúndiz shyǵys jartysynda kóktaıǵaq bolady, jaıaý burqasyn soǵýy yqtımal. Oblystyń soltústik-batysynda tuman túsýi múmkin. Ońtústik-batystan, batystan jel soǵady, túnde oblystyń soltústiginde, batysynda, kúndiz oblystyń shyǵys jartysynda ekpini 15-20 m/s jetedi.
Kókshetaýda erteń túnde tuman túsedi, kóktaıǵaq bolady.
12 qarasha Batys Qazaqstan oblysynyń ońtústiginde tuman túsýi yqtımal. Jel ońtústik-batystan soǵady, kúndiz oblystyń soltústiginde, soltústik-batysynda ekpini 15-20 m/s jetedi.
Oralde erteń jel ońtústik-batystan soǵady, kúndiz ekpini 18 m/s jetedi.
12 qarashada Aqtóbe oblysynyń soltústiginde kóktaıǵaq bolýy múmkin.
Aqtóbe erteń kóktaıǵaq bolady.
