Elimizdegi beıbitshilik álemniń barsha halyqtaryna úlgi - Sergeı Tsyrýlnıkov
«Meniń túsinigimde Alǵys aıtý kúni – ol Qazaqstanda turatyn etnostardyń qazaq halqyna erekshe qurmetin bildiredi. Reformalar men jer aýdartý kezeńinde qazaqtar ózderi qıyn jaǵdaıda bola tura, ózge ult ókilderin qabyldaǵany úshin qazaq halqyna rızashylyǵymyz sheksiz. Sondyqtan etnostar osyny este saqtap, qazaqtardyń baýyrmaldyǵyn umytpaýy kerek. Álem elderine jıi saıahattap baramyn, sonyń ishinde Reseıge de baryp turamyn. Onda qazaq halqynyń qonaqjaılylyǵyn áli de umytpaǵan. Groznyıǵa barǵanymda sheshender náýbet jyldardaǵy Qazaqstanda kórgen meırimdilikti umytpaıtyndaryn aıtyp jatty. Sondyqtan qazaqstandyqtar osynyń barlyǵyn jadymyzǵa saqtap, qazaq halqyna alǵys aıtamyz», - dedi S.Tsyrýlnıkov.
Tanymal sportshy Alǵys aıtý kúnin belgileý boıynsha Elbasy Nursultan Nazarbaevtyń bastamasyna qoldaý kórsetý aıasynda atalǵan dataǵa oraı eki is-sharany uıymdastyrmaq.
«Elimizdiń eń úlken baılyǵy - ol bárinen buryn, bizdiń birligimiz. Beıbitshilik pen kelisim basty qundylyǵymyz. Osy oraıda Tuńǵysh Prezıdenttiń bastamasymen qurylǵan Qazaqstan halqy Assambleıasy basqa elder úshin úlgi bolyp turǵany kezdeısoq emes. Mysaly, Reseıde bizdiń Assambleıaǵa uqsas Reseı halyqtary Assambleıasy bar. Elimizdegi beıbitshilik pen kelisim álimniń barsha halyqtary úshin úlgi bolyp turǵanyn bilemiz», - dedi Sergeı Tsyrýlnıkov.
