Elimizdegi beıbit ómir, tózimdilik, turaqtylyq - Qazaqstan órkendeýiniń kepili - Joldaýǵa únqatý
ASTANA. Qańtardyń 29-y. QazAqparat /Jasulan Amanbaıuly/ - «Memleketimizdiń qandaı ekonomıkasy bolmasyn, tek bizdiń kópultty elimizdegi beıbit ómir, tózimdilik, turaqtylyq jáne birin-biri túsinisý qabiletine ıe bola bilý - Qazaqstannyń órkendeýine kepil bola alady».
Búgin Úkimet úıinde Qazaqstan halqy Assambleıasy Elbasynyń halyqqa Joldaýyn talqylaý kezinde Koreı mýzykalyq komedııa teatrynyń dırektory Lıýdmıla Nı osylaı atap kórsetti, dep habarlaıdy QazAqparat.
«Joldaýdyń ón boıyndaǵy negizgi ıdeıa, mine osyndaı. Joldaýdy tyńdaǵannan keıin bizdiń qazaqstandyqtardyń qoǵamdyq sana-sezimin tárbıeleý jáne qalyptastyrý qajet degen qortyndyǵa keldim. Osy turǵyda Qazaqstan halqy Assambleıasy aldynda óte úlken mindetter tur», deıdi L. Nı.
Onyń aıtýynsha, aldaǵy kúnderi dál osy taqyrypqa arnalǵan, ıaǵnı Qazaqstan halqynyń qoǵamdyq sana-sezimin qalyptastyrýǵa, beıbitshilikke jáne tatýlyqqa tárbıeleýge qatysty halyqaralyq ǵylymı-tájirıbelik konferentsııa uıymdastyrylady. Shara, ásirese elimizdiń tarıhshylary, saıasattanýshylary men ǵalymdary úshin qyzyqty bolmaq.
