Elimizdegi balabaqshalardyń jartysyna jýyǵy jekemenshik

NUR-SULTAN. QazAqparat – Qazaqstanda 11 myńnan astam balabaqsha bar. Onyń 5 myńy jekemenshik uıymdar. Mundaı derekterdi onlaın-brıfıng aıasynda Mektepke deıingi bilim berý komıtetiniń tóraǵasy Gúlmıra Kárimova keltirdi, dep habarlaıdy QazAqparat tilshisi.

«Elimizde 11 myńnan astam balabaqsha bar. Onyń ishinde 6 myńy memlekettik, 5 myńy jekemenshik uıymdar. El boıynsha mektepke deıinge bilim berý oryndarynda 1 mln-ǵa jýyq bala tárbıelenip jatyr. Balabaqshalarda 100 myńǵa jýyq pedagog jumys isteıdi. Onyń ishinde joǵary bilimi bary 65 myńnan asady. Al tehnıkalyq jáne orta kásiptik bilimi bar tárbıeshi 30 myńnan kóp. Bıyl oqýyn aıaqtap, balabaqshaǵa pedagog bolyp kelemin dep otyrǵan 8,5 myńǵa jýyq jastar bar», - dedi Gúlmıra Kárimova.

Sondaı-aq, brıfıng barysynda komıtet tóraǵasy balabaqshalarǵa vaýcherlik qarjylandyrý júıesi engiziletinin aıtty. Jańa júıe arqyly ata-analar búldirshinin berýge nıetti mektepke deıingi uıymdy tańdaýǵa, onyń bıýdjetin qadaǵalaýǵa múmkindik alady.