Elimizdegi azyq-túlik taýarlary alypsatarlardyń baǵasymen satylyp jatyr
ALMATY. 19 shilde. QazAqparat /Erlik Erjanuly/ - Keden odaǵyn qazir ońaı olja izdegender óz paıdasyna ońtaıly qoldanýda.
Bul týraly búgin Almatyda "Keden odaǵynyń shekarany ashýynyń yqpaly: oń jáne teris yqpaldastyq" degen taqyrypta ótken baspasóz máslıhatynda aıtyldy.
"Azyq-túlik taýarlary qazir alypsatarlardyń qoıǵan baǵasymen satylyp jatyr. Máselen ózindik quny - 30-40 teńge bolatyn qyzanaqtyń baǵasy 200-400 teńgege deıin sharyqtap ketti. Óndirýshilerdiń ónimderi naryqqa ártúrli deldaldar arqyly túsýde", - deıdi "Qazaqstan keden deklaranttary odaǵy" qaýymdastyǵynyń prezıdenti Nurlan Burshaqbaev. Onyń aıtýynsha, jemis-jıdek pen kókenis baǵasy búgingi tańda qalanyń ishinde de, syrtynda da birdeı bop ketti. Ónimniń ózindik quny men deldaldar qosqan ústemeniń arasy óte úlken. Ony memlekettik organdar retteı almaı otyr. Bul jurtshylyq arasynda ekonomıkalyq yqpaldastyqqa degen qoǵamdyq kózqarasqa óz áserin tıgizýde.
