Elimizdegi avtojoldardy tekserý nátıjesi jarııalandy

NUR-SULTAN. QazAqparat – QR Indýstrııa jáne ınfraqurylymdyq damý mınıstrliginiń Avtomobıl joldary komıteti «Jol aktıvteri sapasynyń ulttyq ortalyǵy» úsh aıda júrgizilgen jumystardyń qorytyndylaryn shyǵardy, dep habarlaıdy QazAqparat.

«Osy ýaqyt aralyǵynda ortalyq mamandary el óńirlerindegi joldarǵa 1398 sapar jasap, talaptardy buzýdyń 1522 faktisin anyqtady. Olardyń biraz bóligi avtomobıl joldaryn qysqy kezeńde kútip ustaý sapasynyń tómendigine qatysty», - delingen QR IIDM málimetinde.

Atap aıtqanda, ortalyqtyń kóshpeli zerthanalary respýblıkalyq mańyzy bar jol ýchaskelerine 1294 sapar jasady. Zerthanalyq jumystar júrgizilgen jol ýchaskeleriniń jalpy uzyndyǵy 27 myń shaqyrymnan asady. 3 aıdyń ishinde respýblıkalyq mańyzǵa ıe joldarda 582 nysan tekserildi. Tekseris jumystarynyń nátıjesinde, nysandardyń talaptarǵa saı emes ekendigi anyqtaldy. Osy rette merdiger uıymdarǵa 579 hat joldandy.

Sondaı-aq, 2020 jyldyń alǵashqy toqsanynda jergilikti avtomobıl joldarynyń 4500 shaqyrymy tekserilgen bolatyn. Zerthanalar mundaı joldarǵa 104 sapar jasap, 136 kemshilikti anyqtady.