Elimizdegi avtovokzaldardyń 35 paıyzy, avtostansalardyń 52 paıyzy talapqa saı emes - A.Jumaǵalıev
ASTANA. 20 naýryz. QazAqparat - Búgingi tańda elimizdegi avtovokzaldardyń úshten biri nemese 35 paıyzy, al avtostansalardyń 52 paıyzy talapqa saı kelmeıdi. Bul týraly búgin Májilistiń jalpy otyrysynda Kólik jáne kommýnıkatsııa mınıstri Asqar Jumaǵalıev málim etti.
Mınıstr sóz arasynda elimizdegi vokzal mańdarynda avtobýstardy jóneltetin kezdeısoq oryndardyń paıda bolǵanyna da nazar aýdaryp, taksı ınfraqurylymynyń damýyn da nashar ekenin alǵa tartty. «Muny jaqsartý maqsatynda avtovokzaldar, avtostansalar jáne tasymaldaýshylar úshin biryńǵaı standarttar engizý usynyldy. Al jolaýshylarǵa qolaıly bolý úshin elektrondy bılet satýdy kózdeıtin forma qarastyrylǵan. Avtostansalar joq eldi mekenge jolaýshylarǵa qyzmet kórsetý sapasyn jaqsartý kózdeledi», - dedi mınıstr A.Jumaǵalıev.
Esterińizge sala keteıik, Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zań jobasy talqylanǵan bolatyn. Qujatta avtomobıl kóligi salasy boıynsha jolaýshylarǵa, turǵyndarǵa kórsetiletin qyzmetterdiń sapasyn arttyrý maqsatynda ulttyq standarttardyń talaptaryn saqtaýǵa mindetteıtin normalar engizý qarastyrylǵan.
