Elimizdegi avtoparktiń 16,2 paıyzy jańa kólikter
ASTANA. QazAqparat - 2016 jyly 1 qyrkúıekte tirkelgen elimizdegi avtokólikter sany 3,85 mıllıonǵa jetti. Bul kórsetkish bıylǵy qańtar aıymen salystyrǵanda 1,2%-ǵa kóbirek, dep habarlaıdy Energyprom.kz">Energyprom.kz .
Monıtorıngtik agenttik sońǵy jyldary avtopark qurylymynyń eleýli túrde jańarǵanyn atap ótti. Jazǵy qorytyndy boıynsha, úsh jyl tolmaǵan avtokólikter úlesi 16,2% qurady. Al eski kólikterdiń (10 jyldan asyp ketken) elimiz boıynsha úlesi áli de joǵary - 58,8%. 10,2% avtokóliktiń jasy 3-7 jyl aralyǵynda, al 7-10 jyl aralyǵyndaǵy avtokólik mólsheri - 9,1%.
Kópjyldyq dınamıkada kóne avtoparkterdiń jańa kólikterge oryn berip, jyldan-jylǵa azaıyp jatqany baıqalady. Máselen, 2012 jyldyń qorytyndysy boıynsha kónergen kólikter parktiń 79,5% alǵan, al jańa kólikter úlesi 2,7% ǵana bolǵan.
Sonymen birge, bıylǵy jyly jańa kólikter (3 jyl tolmaǵan) úlesi 16,2% deńgeıinde saqtalyp tur. Qazaqstan aýmaǵy boıynsha olardyń sany qańtar aıynan qyrkúıekke deıin 1,2% (7414 dana) 622,5 myńǵa deıin kóbeıdi. Eski kólikterdiń kóbeıýi boıynsha Almaty oblysy kósh bastap tur - 13,9 myńnan (4,1%) 350 myńǵa deıin.
Eń jańa avtopark Atyraý oblysynda ornalasqan. Munda úsh jyl tolmaǵan avtokólikter (30,4 myń, jyl basynan beri taǵy 864) 38,8% quraıdy, al 10 jyldan asyp ketken kólikter 26,1% ǵana. Salystyrmaly túrde, 2016 jyldyń qańtar aıynda avtoparktiń 38,6% ǵana jańa kólikter bolǵan.
