Elimizdegi avtobeketter men avtostansalardyń teń jartysyna jýyǵy talapqa saı emes

Bul týraly búgin Májiliste «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zań jobasyn tanystyrý barysynda QR Kólik jáne kommýnıkatsııalar mınıstrliginiń Jaýapty hatshysy Jeńis Qasymbek málim etti.

Onyń aıtýynsha, usynylǵan zań jobasynyń basty maqsaty otandyq kólik salasynyń básekege qabilettiligin arttyrý, ákimshilik kedergilerdi joıý, sondaı-aq qyzmet kórsetý sapasyn kóterý bolyp tabylady. «Budan bólek, zań jobasymen elimizdegi kólik ınfraqurylymyn damytý sharalary da qarastyrylyp otyr. Tutynýshylardyń quqyqtaryn qorǵaý, kóliktegi qaýipsizdikti qorǵaý normalary kúsheıtiledi. Budan bólek, kóliktegi memlekettik baqylaýdyń tıimdiligin arttyrý qarastyrylyp, ulttyq zańnamamyzdyń halyqarlyq kelisimderdiń talaptarymen úılesimdiligi kózdeledi», - deıdi Jaýapty hatshy.