Elimizdegi aýyl sharýashylyǵy koopertıvteriniń sany úsh myńǵa ǵana jýyqtaıdy - A.Mamytbekov
Zań jobasy boıynsha baıandama jasaǵan Aýyl sharýashylyǵy mınıstri Asyljan Mamytbekovtyń aıtýynsha, elimizdegi agroónerkásip keshenindegi problemalardyń biri óndiristiń usaq taýarlyq sıpatynda bolýy. «Bul aýylsharýashylyq ónimderiniń jalpy kólemindegi shaǵyn sharýashylyq júrgizý nysandarynyń joǵary úlesimen rastalady. Statıstıkalyq málimetter boıynsha, byltyr jalpy aýyl sharýashylyq óniminiń 45,7 paıyzy jeke qosalqy sharýashylyqtarda, 31 paıyzy sharýa jáne fermerler qojalyqtary úlesine, 23 paıyzy aýyl sharýashylyǵy kásiporyndaryna tıesili bolyp otyr. Búgingi kúni aýyl sharýashylyǵy taýar óndirýshileri kooperatıvke belsendi túrde birikpeı otyr, buǵan birqatar sebepter bar», - deıdi mınıstr. Onyń sózine qaraǵanda, 2015 jyldyń 1 maýsymyndaǵy jaǵdaı boıynsha respýblıkamyzda bar-joǵy úsh myńǵa jýyq qana kooperatıv bar. Osyǵan baılanysty vedomstvo basshysy mınıstrliktiń taldaýy barysynda kooperatsııanyń damýyn tejeıtin birqatar kedergilerdi anyqtaǵan. «Birinshi - bul kommertsııalyq emes uıym túrinde qurylǵan aýyl sharýashylyǵy kooperatıvterinde tabysty bólý múmkindigi joq. Ekinshisi, shekten tys normatıvtik-quqyqtyq retteý. Úshinshisi, sý paıdalanýshylardyń aýyldyq tutyný kooperatıvteri jáne aýyl sharýashylyǵy seriktesteri úshin arnaýly salyq rejimi bar zańdaǵy jeńildikterdi paıdalaný múmkin emes. Tórtinshisi, kooperatıvter qyzmetiniń aıqyn emestigi, bir-birine senimsizdik, kooperatıv músheleriniń aldaý qaýpi sııaqty jaǵdaılardy týdyrýy múmkin. Besinshi, ishki rásimderdiń shekten tys rettelýi. Altynshy sebep, bul - zańdy tulǵalardyń óndiristik kooperatıvterge qazirgi jaǵdaıda qatysýy múmkin emestigi», - dedi mınıstr. Osy olqylyqtardy joıý maqsatynda «Aýyl sharýashylyǵy kooperatsııasy týraly» zań jobasy ázirlengen. Onda joǵaryda kórsetilgen problemalardy sheshýge baǵyttalǵan birqatar jańalyqtar qamtylyp otyr. Birinshi, bul - aýyl sharýashylyǵy kooperatıvi mártebesin kommertsııalyq emes razrıadtan kommertsııalyq razrıadqa aýystyrý. Ekinshiden, aýyl sharýashylyǵy kooperatıvinde paıdany bólý múmkindigi. «Úshinshi, kooperatıvterdiń revızııalyq odaqtarǵa múshelikke ótý múmkindigi. Tórtinshi, kooperatıvterdiń jyl saıynǵy ishki aýdıtyn júrgizý múmkindigi. Besinshi, demokratııalyq qaǵdıdatty saqtaý, bul - bir qatysýshy, bir daýys prıntsıpiniń engizilýi. Altynshy, óz qatysýshylaryna taýarlardy, jumystar men qyzmetterdi ózindik quny boıynsha ótkizý qaǵıdatyn engizý. Jetinshi, ózara qarym-qatynasty retteýde dıspozıvti normalardy qoldanýdy shekten tys naqtylaýdy alyp tastaý», - deıdi mınıstr Asyljan Mamytbekov. Parlament qabyldaǵan zań Memleket basshysynyń qol qoıýyna joldanady.