Elimizdegi aýrýhanalar men emhanalarda 7 606 orta medıtsına mamany tapshy
ASTANA. QazAqparat – Elimizdegi aýrýhanalar men emhanalarda 7 606 orta medıtsına personaly tapshy. Bul týraly «Ashyq» NQA portalynda jarııalanǵan 2030 jylǵa deıin ana men bala densaýlyǵyn saqtaý qyzmetin damytý tujyrymdamasynda jazylǵan, dep habarlaıdy QazAqparat tilshisi.
«2007-2017 jyldar aralyǵyndaǵy kezeńde pedıatrııalyq fakýltetterge talapkerlerdi qabyldaý júzege asyrylǵan joq. Bul mamandardyń tapshylyǵy ákeldi. Ásirese, statsıonar deńgeıindegi mamandarǵa jáne arnaıy beıindi mamandardyń tapshylyǵyna (balalar reanımatologtary-anestezıologtary, kardıologtar, pýlmonologtar, gastroenterologtar) qatty áser etti.
Mamandyqtar bólinisinde anestezıolog-reanımatologtar (eresekter, balalar) – 787, akýsher-gınekologtar (eresekter, balalar) – 291, pedıatrlar – 304, neonatologtar – 104, balalar ınfektsıonısteri – 65, balalar nevropatologtary - 51 jáne taǵy da basqa mamandyqtar arasynda kadr tapshylyǵy baıqalady», - delingen tujyrymdamada.
Densaýlyq saqtaý mınıstrliginiń málimetinshe, maman tapshylyǵy saldarynan keıbir qyzmetkerler qosalqy jumys atqaryp júr. Sonymen qatar, el boıynsha 7 606 orta medıtsınalyq personal jetispeıdi. Onyń 6 468 maman qalalarǵa qajet bolsa, 1 138-i aýyldarda tapshy.
