Elimizdegi astyq kólemi 13,9 mln. tonnany quraıdy - Aýyl sharýashylyǵy mınıstrliginiń Jaýapty hatshysy
ANA. 2 qarasha. QazAqparat /Marlan Jıembaı/ - Aǵymdaǵy jylǵy 1 qarashadaǵy oblys ákimdikteriniń málimetterine sáıkes, elimizdegi astyq kólemi 13,9 mln. tonnany quraıdy.
Bul týraly búgin Úkimet otyrysynda QR Aýyl sharýashylyǵy mınıstrliginiń Jaýapty hatshysy Evgenıı Aman málim etti.
«Aǵymdaǵy jylǵy 1 qarashadaǵy oblys ákimdikteriniń málimetterine sáıkes, elimizdegi astyq kólemi 13,9 mln. tonnany quraıdy. Bul ótpeli astyqty esepke alǵanda, eldiń ishki suranysynyń kólemin tolyq qamtamasyz etýmen qatar 7-8 mln. tonna kólemindegi eksporttyq áleýetti saqtaýǵa múmkindik beredi», - dedi Jaýapty hatshy.
Onyń atap ótýinshe, astyq naryǵyndaǵy jaǵdaıdy ári un, nan-makaron ónimderiniń baǵasyn turaqtandyrý úshin «Azyq-túlik kelisimshart korporatsııasy» AQ-men azyqtyq astyqtyń qajetti qory quryldy. Sonymen qatar Úkimettiń qoldaýymen 970 myń tonna kóleminde astyq satyp alý júzege asyrylýda. Qazirig ýaqytta atalǵan kólemniń 732 myń tonnasyna nemese 76 paıyzyna ótinim túsken.
