Elimizdegi áskerı attasheler «Baıqońyr» ǵarysh aılaǵymen tanysty (FOTO)

ASTANA. QazAqparat - «Baıqońyr» ǵarysh aılaǵynan «Progress MS-02» jańa modıfıkatsııadaǵy júk kemesinen quralǵan ǵaryshtyq bas bóligi bar «Soıýz-2.1a» zymyran ustaǵyshy iske qosyldy, dep habarlaıdy QR Qorǵanys mınıstrliginiń baspasóz qyzmeti.

ıÝ. Gagarınniń ǵaryshqa alǵash ushýynyń halyqaralyq kúni qarsańynda Qazaqstan Respýblıkasynda akkredıttelgen sheteldik áskerı attasheler atalmysh iske qosylýdyń kýágerleri boldy.

Júk kemesi halyqaralyq ǵarysh stansasyna otyn, ottegi, ǵylymı eksperımentterge arnalǵan jabdyq, ekıpaj múshelerine arnalǵan sálemdeme, sondaı-aq sýy men azyq-túligi bar konteınerler jetkizýi tıis.

Odan basqa, áskerı attasheler Baıqońyr ǵarysh aılaǵynyń biregeı tarıh murajaıymen tanysty. Onda zymyran-ǵaryshtyq tehnıkanyń damýy men ǵaryshtyq keńistiktiń ıgerilýi, ǵarysh aılaǵynyń qurylý tarıhy, onyń búgingi tynys-tirshiligi jáne ári qaraı damýynyń perspektıvalary kórsetilgen.

Áskerı attashelerdiń zymyrannyń bólinip ushýy qyzyǵýshylyq týǵyzdy. Onda tolyq konfıgýratsııada halyqaralyq ǵarysh stantsııasynyń modeli, «Sokol-K» skafandry,  ǵaryshkerlerdiń qoltańbalary bar ataýly borttyq kostıýmder men MKS bortynda ǵaryshtar qoldanatyn medıtsınalyq-bıologııalyq qorǵaý quraldary, ǵaryshtyq azyq-túlik pen orbıtada ómir súrýge arnalǵan kóptegen basqa da zattar usynylǵan.

Qazaqstanda shet elderdiń 40 áskerı attashesi akkredıttelgen. Qazaqstannyń Qarýly Kúshteri seriktes memlekettermen beıbitshilikti qoldaý jóninde birlesken is-qımyldarǵa ázir.