Elimizdegi arnaıy ekonomıkalyq aımaqtarǵa salynǵan ınvestıtsııalar 325 mlrd. teńgeden asty

ASTANA. 4 maýsym. QazAqparat - Elimizdiń 9 arnaıy ekonomıkalyq aımaǵyndaǵy qatysýshy kompanııalar sany 490-dy qurady. Qazirdiń ózinde bunda 146 kompanııa óz jobalaryn júzege asyrýda.

Bul týraly búgin Májiliste «2010-2014 jyldarǵa arnalǵan Údemeli ındýstrııalyq-ınnovatsııalyq damý baǵdarlamasyn iske asyrý barysy» taqyrybynda ótken Úkimet saǵaty barysynda  málim boldy.

Mınıstrliktiń derekterine qaraǵanda, qazirgi kúni «Aqparattyq tehnologııalar parki» arnaıy ekonomıkalyq aımaq jańa damý degeıine shyqty. Bul nysandy basqarýǵa malaızııalyq kompanııalar óz ázirligin tanytqan. Budan bólek, «Qorǵas - Shyǵys qaqpasy» arnaıy ekonomıkalyq aımaǵyn odan ári damytý tujyrymdamasyn ázirlegen «Deloıt» kompanııasy men  «Djebel Álı» (Birikken Arab Ámirligi) basqarýshy kompanııasy arasynda kelissózder júrgizýde.    

«Qazirgi tańda jumys istep turǵan 6 arnaıy ekonomıkalyq aımaǵy aýmaǵynda ınvestorlardyń salymdary 625 mlrd. teńgeden asyp otyr. Bul 2009 jylǵy kórsetkishpen salystyrǵanda 15 esege artyq. Shyǵarylǵan ónim kólemi 254 mlrd. teńgeden asyp, 10 myń jumys orny quryldy», - delingen baspasóz qyzmeti taratqan aqparatta.