Elimizdegi árbir besinshi jumysshy zııandy eńbek jaǵdaıynda jumys isteıdi - mınıstr T.Dúısenova
ASTANA. QazAqparat - Elimizdegi jumyspen qamtylǵandardyń árbir besinshisi zııandy jáne qaýipti eńbek jaǵdaıynda jumys isteıdi. Bul týraly búgin Parlament Májilisinde QR Densaýlyq saqtaý jáne áleýmettik damý mınıstri Tamara Dúısenova málim etti.
«Statıstıka derekteri boıynsha elimizde zııandy jáne qaýipti eńbek jaǵdaılarynda jumys isteıtin qyzmetkerlerdiń sany 2014 jyldyń basynda shamamen 376 myń adamdy qurady. ıAǵnı, tekserilgen jumyspen qamtylǵan azamattardyń qatarynda árbir besinshi adam osyndaı jaǵdaıda jumys isteıdi», - dedi Májilistiń jalpy otyrysynda mınıstr Tamara Dúısenova.
Onyń aıtýynsha, zııandy jáne qaýipti eńbek jaǵdaıynda jumys isteıtinderdiń 40 paıyzy (153,8 myń adam) shý jáne diril deńgeıi joǵary jaǵdaıda, al 35 paıyzy (132,9 myń adam) gazdanýy men tozańdanýy joǵary jumys aýmaǵynda eńbek etedi.
Eske sala keteıik, Májilistiń jalpy otyrysynda «Eńbek qaýipsizdigi men gıgıenasyna járdemdesetin negizder týraly konventsııany (187-konventsııa) ratıfıkatsııalaý týraly» zań jobasy talqylanǵan bolatyn. Atalǵan konventsııany halyqaralyq eńbek uıymyna múshe 25 el, sonyń ishinde TMD aýmaǵynda Reseı men Moldova ratıfıkatsııalaǵan.
