Elimizdegi AMSK uıymy ǵımarattarynyń 55 paıyzy tozǵan
NUR-SULTAN. QazAqparat – Respýblıkadaǵy alǵashqy medıtsınalyq-sanıtarlyq kómek uıymdary ǵımarattarynyń tozýy 55 paıyzdy quraıdy. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Tolyqtaı alǵanda, respýblıkadaǵy alǵashqy medıtsınalyq-sanıtarlyq kómek uıymdary ǵımarattarynyń tozýy 55 paıyzdy quraıdy. Bul rette ǵımarattardyń eń joǵary tozýy Aqmola oblysynda – 79, Soltústik Qazaqstan oblysynda – 75, Shyǵys Qazaqstan oblysynda – 71, Batys Qazaqstan oblysynda – 69, Atyraý oblysynda – 65 jáne Qyzylorda oblysynda 59 paıyzdy quraıdy», - dedi mınıstr.
Alekseı Tsoıdyń aıtýynsha, 2020 jyly densaýlyq saqtaý ınfraqurylymyn damytýdyń perspektıvaly josparyna sáıkes, 197 ambýlatorlyq-emhanalyq uıym nysanyn salý josparlanǵan. Onyń 63-i ǵana salyndy, 134-i salynǵan joq. Onyń ishinde Almaty oblysynda - 75, Túrkistan oblysynda – 15, Qaraǵandy oblysynda - 10, Aqtóbe oblysynda – 8, Qyzylorda oblysynda 9 nysan salynbady.
«Alǵashqy medıtsınalyq-sanıtarlyq kómek nysandary 1,5 mln-nan astam birlik medıtsınalyq tehnıkamen qamtamasyz etilgen. Bul rette jabdyqtalý 76,6, al tozý 49 paıyzdy quraıdy. Medıtsınalyq tehnıkamen tóen jabdyqtalý Soltústik Qazaqstan oblysynda – 55, Qostanaı oblysynda - 57, Shymkent qalasynda – 72, Aqmola oblysynda – 74 jáne Aqtóbe oblysynda 73 paıyzdy qurap otyr», - dedi ol.
