Elimizdegi alǵashqy tamponajdy tsement zaýyty paıdalanýǵa berilmek
«Jylyna 1 mln tonna tamponajdy tsement ónimin shyǵaratyn zaýyt aǵymdaǵy jyldyń jeltoqsan aıynda Qyzylorda oblysy, Shıeli aýdanynda iske qosylady. Búginde nysannyń barlyq qurylysy aıaqtalyp, jabdyqtardy montajdaý jumystary júrgizilýde jáne ol belgilengen merziminen buryn iske qosylady», - dedi aımaq basshysy OKQ-de ótken baspasóz máslıhatynda.
Joba 2015-2019 jyldarǵa arnalǵan QR ındýstrııalyq-ınnovatsııalyq damý memlekettik baǵdarlamasy aıasynda júzege asyrylýda Oblys basshysynyń aıtýynsha, atalǵan kásiporynda 260-tan astam adam jumys isteıtin bolady.
«Tamponajdy tsement munaı-gaz jáne atom ónerkásibinde keńinen qoldanylady. Ásirese, apatty jáne qalpyna keltirý jumystaryn júrgizýde taptyrmas zat. Budan basqa, shyǵarylatyn ónim qatty aıazǵa, sýǵa jáne korrozııaǵa qarsy tózimdi, tsementtiń taǵy bir mańyzdy sıpattamasy 10-12 saǵatta kebedi», - dedi ol. 
