Elimizdegi alǵashqy Dostyq úıi qalaı ashyldy

ÓSKEMEN. QazAqparat – Qazaqstandaǵy eń alǵashqy Dostyq úıi 1992 jyly Óskemende ashylǵan edi. Sol kezde Shyǵys Qazaqstan oblysynyń ortalyǵynda Elbasy Nursultan Nazarbaev saltanatty rásimge qatysyp, Dostyq úıiniń lentasyn qıǵan edi, dep habarlaıdy QazAqparat tilshisi.

Sodan beri Dostyq úıinde ultaralyq kelisim arta túsip, salt-dástúr, halyqtar mádenıeti damydy. Eń bastysy, árbir ult ókiliniń boıynda qazaqstandyq patrıotızm tereńdeı tústi.

«Aq nıet» vokaldyq ujymynyń jáne musylman áıelder birlestiginiń múshesi Maıra Mýrsalımova Tuńǵysh Prezıdentpen kezdesýin erekshe tolǵanyspen eske alady. Óıtkeni 1998 jyly Qazaqstan halqy Assambleıasynyń basshysy óz qolymen onyń nemeresiniń tusaýyn kesken. Qazir ol bala er jetip, elimizdiń beldi azamatyna aınaldy. Onyń ájesi bul qýanyshty oqıǵany taǵdyrdyń tartýy dep sanaıdy.

ShQO QHA qoǵamdyq kelisim keńesiniń tóraǵasy, Qazaqstan halqy Assambleıasynyń múshesi Leo Shık Nursultan Nazarbaevpen kezdesýi máńgi jadynda saqtalatynyn aıtty.

«Ult kóshbasshysynyń kelýi shyǵysqazaqstandyqtar úshin úlken mereke boldy. Ol Dostyq úıiniń ashylýynda árbir adamnyń júreginen oryn taba biletin sózder aıtty. Sondaı-aq Tuńǵysh Prezıdent etnosaralyq tatýlyqty saqtaýǵa úles qosqan barlyq azamattarǵa alǵysyn bildirdi», - dedi Leo Shık.

«Jańǵyrý joly» óńirlik jastar qozǵalysynyń kóshbasshysy, «Vaınah» sheshen-ıngýsh horeografııalyq ansambliniń kórkemdik jetekshisi Ravıl ıÝnýsovtyń sózinshe, Dostyq úıi onyń ómirinde úlken ról atqarǵan. Ol munda eń alǵash ret lezgınka bıin úırený úshin kelipti. Ravıl Nursultan Nazarbaevtyń keler aldynda, jaqsy áser qaldyrý úshin ujymmen birlesip, kóp saǵattyq daıyndyq júrgizilgenin eske aldy.

«Elbasy maǵan Otan úshin eńbek etýdi úıretti. Ultaralyq tatýlyqty saqtaý úshin bereke men birlik kerek ekenin uǵyndyrdy», - deıdi Ravıl ıÝnýsov.