Elimizdegi alaıaqtyq faktilerdiń basym bóligin jyljymaıtyn múlikpen jasalatyn zańsyz áreketter quraıdy

Bul týraly búgin Astanadaǵy brıfıngte QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) resmı ókili Murat Jumanbaı málim etti.

Onyń aıtýynsha, mysaly, Almaty qalasynda «Danel rıeltı» rıeltorlik fırmasynyń dırektory Masenov pen onyń orynbasary Sydyqovtyń qylmystyq qyzmeti áshkerelendi. Olar naqty qojaıyndaryna bildirmeı, jalǵan qujattarmen qozǵalmaıtyn múlikti aldap satý arqyly 48,6 mln. teńgeni ıelenip ketken. «Masenov pen Sydyqov múlkin tárkileýmen sáıkesinshe 8,6 jáne 7,6 jylǵa bas bostandyǵynan aıyrýǵa sottaldy», dedi resmı ókil.

M. Jumanbaıdyń sózine qaraǵanda, Astana qalasynda azamatsha Nabına 9 jylǵa bas bostandyǵynan aıyryldy. Ol ıpotekaǵa páterler rásimdep beremin degen jalǵan sóz arqyly azamattardyń 35,5 mln.teńgesin ıemdenip alǵan. Sondaı-aq Astanada Ábilǵazın 5 jylǵa sottaldy. Ol kishi otbasy nusqasyndaǵy bólmelerdi satyp alýǵa kómektesemin degen aldaý arqyly 8 azamattyń 47 myń 700 AQSh dollary kólemindegi aqshalaı qarajatyn urlaǵan.