Elimizdegi aktıvterdiń ólshemi men baǵalaryn kórsetý tek ulttyq valıýtada júzege asyrylýy tıis - D.Aqyshev
ASTANA. QazAqparat - Elimizdegi aktıvterdiń ólshemi men baǵalaryn kórsetý tek ulttyq valıýtada júzege asyrylýy tıis. Bul týraly búgin Úkimet otyrysynda QR Ulttyq banki tóraǵasy Danııar Aqyshev málim etti.
D.Aqyshev Ulttyq banktiń aldaǵy ýaqytta mańyzdy jumystarynyń biri retinde Elbasynyń tapsyrmasyna sáıkes el ekonomıkasyn dollarsyzdandyrý bolyp otyrǵandyǵyn, bul baǵyttaǵy jumys Úkimetpen birlesip qolǵa alynǵanyn atap ótti.
«Teńgeniń rólin arttyrý úshin ekonomıkalyq yntalandyrýdyń ǵana emes, sol sııaqty rásimdik sıpattaǵy sharalardyń tolyq keshenin iske asyrý josparlanýda. Máselen, elimizdegi aktıvterdiń barlyq túrleriniń ólshemi men baǵalaryn kórsetý tek qana ulttyq valıýtada júzege asyrylýǵa tıis», - dedi ol.
Sonymen qatar ol mundaı bastamalardy iske asyrý Ulttyq bank pen Úkimettiń belsendi jáne ózara tyǵyz yntymaqtastyǵy jaǵdaıynda ǵana múmkin ekendigin basa aıtty.
