Elimizdegi advokattardyń reıtıngi jasalady
«Tsıfrlandyrý jolynda mınıstrlikte júzege asyrylyp jatqan jobalardyń biri – E-zań kómegi. Atalǵan jobanyń maqsaty – advokattar men quzyrly organdardyń ózara qyzmetin avtomattandyrý. Júıede barlyq derek ashyq kórsetiledi. Alda júıeni jetildire túsirip, azamattar zań keńesshileriniń qyzmetin onlaın ıaǵnı mobıldi qosymshanyń kómegimen alý múmkindigi bolady», - dedi Ádilet mınıstriniń orynbasary Bekbolat Moldabekov Ortalyq kommýnıkatsııalar qyzmetinde ótken baspasóz máslıhatynda.
Vıtse-mınıstrdiń aıtýynsha, E-zań kómegi júıesinde azamattardyń bıometrııasy men Face ID qoldanylady. Ondaǵy maqsat – qaýipsizdikti qamtamasyz etý.
«Advokattar men zań keńesshileriniń reıtıngi jasalady. Osylaısha azamattar advokat, zań keńesshileriniń qyzmetin reıtıng boıynsha tańdaı alady. Odan bólek, azamattar ózin qyzyqtyrǵan suraqtardyń jaýaby men memlekettik qyzmetter boıynsha «1414» Call ortalyǵyna habarlasyp bile alady», - deıdi spıker.
Mınıstr orynbasary keltirgen derekke sáıkes, búginde egovMobile mobıldi qosymshasynda Ádilet mınıstrligi usynatyn 28 memlekettik qyzmet, 13 servıs jáne 5 tsıfrlyq qujat qoljetimdi.
Buǵan deıin habarlaǵanymyzdaı, endi advokat, notarýıs jáne jeke sot oryndaýshylaryna lıtsenzııa onlaın berilmek.
Sonymen qatar brıfıng barysynda balalarǵa beriletin ata-ana qolhatynyń ózgertini aıtyldy.