Elimizdegi 6 oblysta aýa raıyna baılanysty eskertý jarııalandy
NUR-SULTAN. QazAqparat – Elimizdegi alty oblysta aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
22 sáýirde Aqmola oblysynyń keı jerlerinde tuman kútiledi. Ońtústik-shyǵystan, ońtústikten jel soǵady, kúndiz keı jerlerde kúshi 15-18 m/s kútiledi.
Sol kúni Kókshetaý qalasynda ońtústik-shyǵystan, ońtústikten jel soǵady, kúndiz ekpini 15 m/s jetedi.
22 sáýirde Aqtóbe oblysynyń keı jerlerinde naızaǵaı kútiledi. Ońtústik-batystan jel soǵady, kúndiz keı jerlerde 15-20 m/s jetedi.
Sol kúni kúndiz Aqtóbe qalasynda ońtústik-batystan jel soǵady, ekpini 18 m/s jetýi múmkin.
22 sáýir Batys Qazaqstan oblysynyń keı jerlerinde ońtústik-batystan, batystan soǵatyn jeldiń kúshi 15-20 m/s. Kúndiz keı jerlerde naızaǵaı, burshaq kútiledi.
Sol kúni kúndiz Oral qalasynda ońtústik-batystan, batystan soǵatyn jeldiń ekpini 18 m/s kútiledi.
22 sáýirde kúndiz Qyzylorda oblysynyń keı jerlerinde shańdy daýyl kútiledi. Jel ońtústikten, ońtústik-batystan soǵady, kúndiz kúshi keı jerlerde 15-20 m/s kútiledi.
22 sáýirde Qostanaı oblysynyń keı jerlerinde naızaǵaı, tuman kútiledi. Shyǵystan soǵatyn jel ońtústik-batysqa aýysady, kúshi túnde keı jerlerinde 15-20 m/s, kúndiz 15-20, ekpini 23 m/s jetedi.
Sol kúni kúndiz Qostanaı qalasynda naızaǵaı, ońtústik-batystan jel soǵady, ekpini 15-20 m/s kútiledi.
22-23 sáýirde Soltústik Qazaqstan oblysynyń keı jerlerinde tuman kútiledi. Túnde 23 sáýirde basym bóliginde jańbyr kútiledi. Kúndiz 22, táýlik boıy 23 sáýirde keı jerlerde naızaǵaı kútiledi. Ońtústikten, ońtústik-batystan jel soǵady, keı jerlerde kúshi 15-20 m/s, kúndiz 23 sáýirde jeldiń kúshi 15-20, ekpini 23-28 kútiledi.
Sol kúni túnde jáne tańerteń Petropavl qalasynda tuman kútiledi. 23 sáýirde naızaǵaı jarqyldaıdy. 22 sáýirde kúndiz, 23 sáýirde táýlik boıy ońtústikten, ońtústik-batystan jel soǵady, kúshi 15-20 m/s jetedi. 23 sáýirde kúndiz jeldiń kúshi 23-28 jetýi yqtımal.
