Elimizdegi 3 myńnan astam qoqys polıgonynyń 20% ǵana normaǵa saı

NUR-SULTAN. QazAqparat – Jyl basynan beri Qazaqstanda qoqys úıindileri úshin 17 myńǵa jýyq quqyqbuzýshy jaýapqa tartylyp, 25 mln teńge aıyppul salynǵan. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

«Qazaqstanda 3 myńnan astam qatty turmystyq qaldyqtar polıgony bar, olardyń tek 20 paıyzy ǵana normalarǵa sáıkes. Bul másele Pavlodar, Batys Qazaqstan jáne Soltústik Qazaqstan oblystarynda óte ózekti bolyp tur. Qurylys qaldyqtarymen jumys isteý salasy da mańyzdy. Bıyldan bastap olardy kómýge tyıym salyndy. Norma 2016 jyly engizilse de, qazir tek Nur-Sultan, Almaty jáne Lısakovsk qalalarynda qurylys qaldyqtaryna arnalǵan alańdar bar», - dedi S. Brekeshev Úkimet otyrysynda.

Beı-bereket úıindilerdi joıý jáne boldyrmaý jumystary da júrip jatyr. Búgingi kúni 7,3 myń úıindiniń 86 paıyzy joıyldy. Reıdtik sharalar ótip, 17 myńǵa jýyq quqyqbuzýshy jaýapkershilikke tartylyp, 25 mln teńge somasyna aıyppul salynǵan.

«Jalpy, qoqys shyǵaratyn uıymdardyń qyzmetin retteý jáne baqylaý maqsatynda jańa Ekokodekste habarlama jasaý tártibin engizý kózdelgen. Olar kólikke GPS-datchıkterin ornatýǵa jáne kóliktiń qozǵalysy týraly tolyq aqparatty berýge mindetti. Oǵan qosa, qaldyqtarmen jumys isteý talaptaryn buzǵany úshin aıyppuldar (jeke tulǵalarǵa 10 AEK-ten 50 AEK-ke deıin) joǵarylady», - dedi Ekologııa mınıstri.