Elimizdegi 3 munaı óńdeý zaýytynda 9 aıdaǵy óńdeý kólemi 8,2 mıllıon tonnaǵa jetti
ASTANA. 25 qazan. QazAqparat /Aıdar Ospanalıev/ - 2011 jyldyń 1 qazanyndaǵy jaǵdaı boıynsha munaı óńdeýdiń shoǵyrlandyrylǵan kólemi (onyń ishinde The Rompetrol Group) 11,4 mıllıon tonnany qurady.
Bul ótken jyldyń osy merzimimen salystyrǵanda 0,3 paıyzǵa artyq. Al elimizdegi 3 munaı óńdeý zaýytynda 9 aıda óńdeý kólemi 8,2 mıllıon tonnaǵa jetti. Bul týraly «QazMunaıGaz» ulttyq kompanııasynyń baspasóz qyzmeti habarlaıdy.
Baspasóz málimetterine qaraǵanda, aýdıttelmegen aldyn-ala málimetter boıynsha, 2011 jyldyń qańtar-qyrkúıek aılaryndaǵy kompanııanyń shoǵyrlandyrylǵan tabysy 2,03 trıllıon teńgeni qurady. Bul ótken jyldyń osy merzimimen salystyrǵanda 22 paıyzǵa artyq bolyp otyr. Sondaı-aq esepti merzimdegi shoǵyrlandyrylǵan tabys 306,6 mıllıard teńge boldy. Bul 2010 jyldyń osy merzimimen salystyrǵanda 10 paıyzǵa kóp. Jalpy aldyn-ala málimetter boıynsha, «QazMunaıGaz» kompanııasynyń 2011 jyldyń qańtar-qyrkúıek aılarynda úlestik ádis boıynsha shoǵyrlandyrý qaǵıdattary negizinde memleket bıýdjetine 387, 1 mıllıon teńge salyq jáne basqa da mindetti tólemder tóledi. Munyń ózi ótken jyldyń osy merzimimen salystyrǵanda 23 paıyzǵa kóp bolyp otyr.
