Elimizdegi 24 myń nysan múgedekterge beıimdeý baǵytynda pasporttaldy
«Áleýmettik jáne kóliktik ınfraqurylym nysandaryn pasportaý jáne beıimdeý arqyly múgedekter úshin kedergisiz orta qalyptastyrýǵa jaǵdaı jasaý jumysy júrgizildi. 2015 jyldyń 1 qańtaryndaǵy jaǵdaı boıynsha 24 myń nysan pasporttaldy, solardyń ishinde 18 myń 900 nysan beıimdeýge jatatyny aıqyndaldy», - dedi Densaýlyq saqtaý jáne áleýmettik damý vıtse-mınıstri Svetlana Jaqypova.
Onyń aıtýynsha, elimizdegi barlyq óńirlerde múmkindigi shekteýli jandar úshin qoljetimdilik qamtylýy úshin nysandardy túgendeýdiń jáne beıimdeýdiń óńirlik josparlaryn bekitken. Osyǵan baılanysty 2014 jyly josparlanǵan 2 myń 413 nysannan 2 myń 371-i beıimdelgen.
Aıta keteıik, atalǵan Konventsııa múgedekter úshin qadir-qasıetti, derbestik pen táýelsizdikti qurmetteý, kemsitpeýshilik, qoǵamǵa tolyq ári tıimdi túrde qosylý, múgedekterdiń erekshelikterin qurmetteý jáne olardy adamı alýantúrlilik pen adamzat bóliginiń quraýyshy retinde qabyldaý, múmkindikterdiń teńdigi, qoljetimdilik, erkekter men áıelderdiń teńdigi, múgedek balalardyń damý ústindegi qabiletterin qurmetteý jáne múgedek balalardyń óz daralyǵyn saqtaý quqyǵyn qurmetteý sekildi qaǵıdattardy qamtıdy.
«Bul Konventsııany qabyldaý Qazaqstanda turyp jatqan 627 myńnan astam múgedekterge ózderiniń konstıtýtsııalyq quqyqtary men bostandyqtaryn júzege asyrýǵa jáne qorǵaýǵa kepildikter beredi», - deıdi vıtse-mınıstr.