Elimizdegi 182 Halyqqa qyzmet kórsetý ortalyqtary jańa tártippen jumys istep jatyr
ASTANA. 6 qarasha. QazAqparat - Búgingi kúni respýblıkanyń 182 Halyqqa qyzmet kórsetý ortalyqtary tolyǵymen jańǵyrtýdan ótti. Onyń barysynda memlekettik qyzmetterdi usynýdyń bıznes -úderisteri ózgertilip, kedergisiz qyzmet kórsetý ádisi men biryńǵaı elektrondyq kezek engizildi, ǵımaratqa jóndeý jumystary júrgizildi. Sondaı-aq, Internet nemese call-ortalyǵy arqyly kezekti brondaý júıesi engizildi. Bul týraly Kólik jáne kommýnıkatsııa mınıstrliginiń baspasóz qyzmetinen habarlandy.
Budan bólek, jurtshylyq HQKO qyzmetkerleriniń qyzmetti usyný jumystaryn arnaıy monıtorıngtiń kómegi arqyly baǵalaý múmkindigine ıe boldy. Bul ózge de ádistermen qatar naqty qyzmetkerdiń memlekettik qyzmetterdi usyný deńgeıi men sapasyn anyqtaýǵa múmkindik beredi.
«Aýmaǵy úlken HQKO-da elektrondyq úkimet buryshtary uıymdastyryldy. Atalǵan buryshtarda keńesshiler elektrondyq anyqtamalar men elektrondyq tsıfrlyq qoltańbany (ETsQ) alý tártibin, salyq jáne aıyppuldardy tóleý tártibin úıretip, aqparattyq keńes beredi. Memlekettik qyzmetterdi avtomattandyrýdy baqylaý jáne HQKO qyzmetin úılestirý komıtetiniń aqparatyna sáıkes, qalǵan HQKO-ry osy jyldyń aıaǵyna deıin jańǵyrtýdan ótedi», - delingen baspasóz aıǵaǵynda.
Esterińizge sala keteıik, respýblıkamyzdaǵy HQKO jańǵyrtý sharasy Memleket basshysy N.Nazarbaevtyń tapsyrmasyna sáıkes qolǵa alyndy. Alǵash ret 2011 jyly mamyr aıynda Astana qalasy Almaty aýdandyq HQKO-da halyqqa qyzmet kórsetý sapasyn jaqsartý jobasy pılottyq tártipte iske asyryldy. 2011 jyldyń aıaǵyna deıin Astana, Almaty qalalary men oblys ortalyqtarynda 28 halyqqa qyzmet kórsetý ortalyǵy jańartylǵan.
