Elimizdegi 171 eldi mekendi sý basý qaýpi seıilgen joq - mınıstrlik
NUR-SULTAN. QazAqparat – Elimizdiń 6 óńirinde 43 myń turǵyny bar 171 eldi mekende sý basý qaýpi bar, dep habarlaıdy QazAqparat tilshisi.
Bul týraly TJM Tótenshe jaǵdaılardyń aldyn alý departamentiniń bastyǵy Rýstambek Ámrın aıtty.
«Eldiń ońtústik óńirlerinde sý tasqyny qaýpi azaıdy. Sonymen qatar, Almaty, Shyǵys Qazaqstan, Jambyl jáne Túrkistan oblystarynyń taýlarynda qar áli kóp. Onyń belsendi erýi taý ózenderinde sý tasqynyna ákelýi múmkin. Aýa raıy jaǵdaıyna baılanysty Batys Qazaqstan, Qostanaı, Aqmola, Shyǵys Qazaqstan, Aqtóbe, Soltústik Qazaqstan oblystarynyń 171 eldi mekenin sý basý qaýpiniń joǵary deńgeıi saqtalýda. Ol mekenderde 43 myńnan astam adam turady», - dedi mınıstrlik ókili.
Vedomstvo mamany aıtyp ótkendeı, 7 sáýirdegi jaǵdaı boıynsha Aqmola, Almaty, Atyraý, Shyǵys Qazaqstan, Batys Qazaqstan, Jambyl jáne Qostanaı oblystarynda, Nur-Sultan qalasynda sý basý jaǵdaılary boldy. Sonyń saldarynan 15 eldi mekende kósheler men aýlalardy, 3 turǵyn úıdi sý alǵan.
«2021 jyldyń 1 sáýirinen bastap TJM ahýaldyq ortalyǵynda respýblıkalyq jedel shtab jumys isteýde. Mundaı shtabtar Aqmola, Aqtóbe, Shyǵys Qazaqstan, Batys Qazaqstan, Qaraǵandy, Qostanaı, Pavlodar jáne Soltústik Qazaqstan oblystarynda da iske qosylǵan. Sý tasqynyna baılanysty máseleler týyndaǵan jaǵdaıda TJM jedel shtabyna 559637, 323286 telefondary, sondaı-aq 112 biryńǵaı nómeri boıynsha habarlasýǵa bolady», - dedi Rýstambek Ámrın.
