Elimizdegi 10 myńǵa jýyq sábıge tserebraldy sal aýrýy dıagnozy qoıylǵan
ALMATY. Naýryzdyń 30-y. QazAqparat /Ádilet Musahaev/ - Statıstıka derekteri boıynsha, Qazaqstanda 44 574 múgedek bala esepte tur, bul elimizdegi búldirshinderdiń 1,2 paıyzyn quraıdy.
Olardyń ishinde 10 myńǵa jýyǵyna tserebraldy sal aýrýy (TsSA) dıagnozy qoıylǵan. Bul jaıynda Ulttyq medıtsına qaýymdastyǵynyń prezıdenti Aıjan Sadyqova búgingi ótken baspasóz máslıhatynda málim etti, dep habarlaıdy QazAqparat.
Kezdesý barysynda Qazaqstandaǵy múgedek balalar máseleleri talqylanyp, TsSA dıagnozy qoıylǵan balalardyń qımyl-qozǵalysyn saýyqtyrýdaǵy jańa qadamdar qarastyryldy.
«Osy kezge deıin balalardyń tserebraldy sal aýrýy eń aýyr jáne emi joq týa bitti dert dep sanalyp kelgen. Biraq qazirgi medıtsına tańǵalalarlyq ister jasaýda. Ádistemelik tásilder qoldaný arqyly emdegen jaǵdaıda, balalardyń TsSA saldarynan paıda bolǵan aqaýlaryn túzetip, qandaı da bir dárejede qoǵamda ómir súrýine beıimdeýge bolady», deıdi A.Sadyqova.
