Elimizde jylytý maýsymyna daıyndyq aıasynda josparlanǵan sýmen jabdyqtaý jelileriniń 91 paıyzy jóndelip bitti
ASTANA. Qyrkúıektiń 13-i. QazAqparat /Ernur Aqanbaı/ - Qazaqstanda aǵymdaǵy kúzgi-qysqy kezeńdegi jylytý maýsymyna daıyndyq aıasynda josparlanǵan sýmen jabdyqtaý jelileriniń 91 paıyzy jóndelip bitti.
«Aldaǵy jylytý maýsymynda 1805 sýmen jabdyqtaý jáne sý burǵysh jelilerin jóndeý josparlanǵan. Búgingi kúnde is júzinde onyń 91 paıyzy nemese josparlanǵan kórsetkishtiń 1649 shaqyrymy jóndelip bitti». dedi búgin Úkimet otyrysynda Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın aıtty.
Onyń sózine qaraǵanda, jabdyqtaý jáne sý burǵysh jelilerin jóndeýde Ońtústik Qazaqstan, Atyraý, Aqtóbe, Batys Qazaqstan jáne Qaraǵandy oblystarynda jumys kesteden oza júrgizilgen. Al, Soltústik Qazaqstan oblysynda kesteden qalyp qoıýshylyq baıqalady. Bul óńirde sýmen jabdyqtaý jáne sý burǵysh jelilerdiń 75 paıyzy ǵana jóndelip bitken.
