Elimizde jylý berý jumysynyń kestesi bekitildi
«Óńir ákimdikteri jylý jelileri jumysynyń temperatýralyq kestesin bekitti. Daladaǵy ortasha aýa temperatýrasy +8 gradýs bolǵan kezde jergilikti atqarýshy organnyń sheshimimen jylytý maýsymyn bastaýǵa kirisemiz», - dedi QR Energetıka mınıstri Qanat Bozymbaev.
Sonymen qatar, energetıka mınıstri elektr júktemesiniń qysqy maksımýmy 14,8 myń megavatt deńgeıinde josparlanyp otyrǵanyn, bul ótken jylǵy deńgeıden 185 megavattqa kóp ekenin atap ótti.
«Ulttyq mańyzy bar elektr stansalaryna mynadaı jabdyqtyń quramymen jumys jasaýǵa tapsyrma berildi: Ekibastuz 1-GRES - bes-alty bloktyq rejımde, rezervtik energııa bloktaryn jumysqa turaqty ázirlikte ustaý, onyń ishinde Ekibastuz 2-GRES - eki blok rejıminde, Aqsý GRES - alty-jeti blok rejıminde, Jambyl GRES - eki blok rejıminde. Qapshaǵaı jáne Moınaq sý elektr stansalary tıisinshe 180 jáne 300 megavatt júktemesimen retteý rejıminde», - dedi mınıstr.
Sonymen qatar, el aýmaǵyndaǵy elektr stansalarynyń qýaty barlyq shekteýlerdi esepke ala otyryp 18 700 megavatt mólsherinde. Qanat Bozymbaev odan bólek 4 000 megavatty quraıtyn qor bar ekenin aıtyp ótti.
Mınıstrdiń aıtýynsha, júrgizilgen jumystar sheńberinde Energetıka mınıstrligi men ákimdikter energetıkalyq kompanııalardyń ázirlik pasporttaryn bere otyryp, kúzgi-qysqy kezeńdegi jumysqa ázirligine baǵa beredi. Bul jumys 1 qarashaǵa deıin aıaqtalady.
