Elimizde jyl sońyna deıin jańadan 23 mektep ashylady
ASTANA. QazAqparat - Jyl sońyna deıin elimizde 23 mektep paıdalanýǵa beriledi. Bul týraly Bilim jáne ǵylym mınıstrliginiń baspasóz qyzmetinen málim etti, dep habarlaıdy QazAqparat.
«2018 jyly tek respýblıkalyq bıýdjet esebinen 53 mlrd teńgege 110 mektep salynýda. Bıylǵy jyly 72 mektep paıdalanýǵa beriledi. Onyń ishinde 49 mektep 1 qyrkúıekte esigin ashsa, jyl sońyna deıin 23 mektep iske qosylatyny josparlanýda», - delingen mınıstrlik málimetinde.
Aıta keteıik, 2015-2017 jyldary «Nurly jol» memlekettik baǵdarlamasy aıasynda mektepterdiń qurylysyna 135 mlrd teńge bólindi. Úsh jyldyń ishinde Ulttyq qor, respýblıkalyq jáne jergilikti bıýdjet esebinen 347 jańa mektep salyndy. ıAǵnı 235 jańa mektep salý kózdelgenimen, jospar 147 paıyzǵa asyra oryndaldy.
QR Bilim jáne ǵylym mınıstrligi tarapynan jekemenshik mektepterdiń qurylysyn yntalandyrý boıynsha sharalar qoldanylýda. Bul turǵyda QR «Bilim týraly» Zańyna sáıkes, memlekettik bilim berý tapsyrysyn jekemenshik mektepterge ornalastyrýǵa múmkindik beretin tolyqtyrýlar engizildi.
Sonymen qatar, qazir qurylys normalary men erejeleri ońtaılandyrylyp, jan basyna qarjylandyrý ádisine ózgertýler engizilýde. Aprobatsııa nátıjesinde mektepterdi basqarý boıynsha jınaqtalǵan jańa tájirıbe respýblıkanyń basqa óńirlerine, ıaǵnı demografııalyq ósimi joǵary oblys ortalyqtarynda joba túrinde iske asatyn bolady.
«Atap aıtqanda, 2018-2019 oqý jylynda Qazaqstannyń 7024 mektebine 3 mln astam oqýshy mektepke barady, onyń ishinde 350 myńy birinshi synyp oqýshylary», - dep atap ótilgen vedomstvo habarlamasynda.
