Elimizde jyl saıyn AÓK-te 80-ge jýyq joba iske asyrylady

NUR-SULTAN. QazAqparat – Elimizde jyl saıyn agroónerkásip kesheninde 80-ge jýyq joba iske asyrylatyn bolady. Bul týraly búgin Úkimet otyrysynda QR Premer-Mınıstri Asqar Mamın aıtty, dep habarlaıdy QazAqparat tilshisi.

«Jalpy agroónerkásiptik keshenniń damý áleýeti óte joǵary. Alǵa qoıylǵan aýqymdy mindetterdi iske asyrý úshin 4 trln teńgeden astam somaǵa 400 jýyq ınvestıtsııalyq jobany kezeń-kezeńimen iske asyrý josparlanǵan. Bul agroónerkásip salalarynda eńbek ónimdiligin ulǵaıtyp, aýyldyq eldi mekenderde 500 deıin jańa jumys oryndaryn qurýǵa múmkindik jasaıdy», - dedi ol.

Úkimet basshysy «Nur Otan» partııasynyń baǵdarlamasyn iske asyrý jónindegi jol kartasynda ınvestıtsııalyq jobalardy iske asyrý boıynsha naqty ındıkatorlar aıqyndalǵanyn eske saldy.

«Jyl saıyn shamamen 70-80 jobany iske qosý josparlanǵan», - dedi Asqar Mamın.