Elimizde jyl saıyn 3 myń sottalýshy kásiptik kolledj dıplomyn alady
ASTANA. QazAqparat - Elimizde jyl saıyn 3 myń sottalýshy kásiptik kolledj dıplomyn alady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR ІІM Qylmystyq atqarý júıesi komıteti tóraǵasynyń orynbasary Janat Keshýbaev málim etti.
Onyń atap ótýinshe, erterekte qylmystyq atqarý júıesi kásiporyndary 100 paıyz memlekettik tapsyrysty oryndap kelgen. Buǵan qosa, ol kezeńde sottalǵandardyń 90 paıyzdan astamy jumyspen qamtylǵan. Al qazirgi ýaqytta ortalyqtandyrylǵan tapsyrystyń bolmaýy saldarynan qylmystyq atqarý júıesiniń kásiporyndary bir rettik tapsyrysty ǵana oryndaýǵa májbúr.
«Sońǵy jyldary Іshki ister mınıstrligi tarapynan qylmystyq atqarý júıesi kásiporyndarynyń óndirisin jolǵa qoıýǵa baǵyttalǵan birqatar sharanyń qolǵa alynǵanyn atap ótkim keledi. Máselen, jańa óndiris oryndary ashylyp, jańa taýar túrleri óndirilýde», - dedi ol.
J.Keshýbaevtyń aıtýynsha, búgingi tańdaǵy sottalýshylardy eńbekke beıimdeýdiń mańyzdy kezeńderiniń biri olardy kásipke baýlý bolyp otyr.
«Bizde 46 túzeý mekemesinde kásiptik kolledjder bar. Bul oqý oryndarynda eńbek naryǵyna qajetti túrli mamandyqtar sottalýshylarǵa úıretilýde. Jyl saıyn shamamen 3 myń sottalýshy osy kásiptik kolledjderde memlekettik úlgimen bekitilgen dıplomyn alady», - dedi ol.
