Elimizde jyl saıyn 1300 adamǵa qaterli isik dıagnozy qoıylyp, 600 adam osy dertten kóz jumady

Onyń aıtýynsha, Qazaqstanda jyl saıyn qaterli isik aýrýymen aýyrǵan 30 myńǵa jýyq jańa naýqas anyqtalsa, 130 myńnan astam naýqas esepte tur. Olardyń 60 paıyzdan astamy hımııaterapııa júrgizýdi qajet etedi. Búgingi kúni jer betinde anyqtalyp otyrǵan 10 mln qaterli isik aýrýynyń 10-12 paıyzy sút bezderiniń enshisinde. Elimizde bul aýrý ótken ǵasyrdyń 90-ynshy jyldarynan bastap áıelder arasyndaǵy onkologııalyq naýqastylyq qurylymynyń aldynda. Qazirgi tańda QR Densaýlyq mınıstrliginiń atqarýymen elimizdiń oblystary men aýdandarynda 100-ge jýyq jańa mammograftar satyp alynyp, tsıtologııa, mammagrafııa boıynsha mamandar oqytylǵan. "Qazir onkologııalyq dertti erte anyqtaý baǵadarlamalary júrgizilýde. Kelesi jyldan bastap 15 mıllıonnan astam halyqtyń 3 mln-ǵa jýyǵy erte anyqtaý baǵdarlamasyna qatysady dep otyrmyz. Qaterli dertten saýyqqan adamdardyń sany kóbeıgen saıyn bul aýrýǵa degen úreı seıiledi" , - deıdi ol.

Derekterge súıensek, sońǵy 5 jylda elimizdegi onkologııalyq aýrýdan kóz jumǵandar sany 114,4-ten 107 paıyzǵa deıin tómendegen. Bul der kezinde qoıylǵan dıognaz ben engizilgen skrınkgtik baǵdarlamalar, mamandardy oqytýdyń jáne emdeýdiń zamanaýı tıimdi shemasynyń engizilý nátıjesi. Mammografııalyq skrıng baǵdarlamasynyń engizilý nátıjesinde sút bezderiniń qaterli isikke shaldyǵýyn bastapqy kezeńde anyqtaý 70 paıyzǵa deıin kóterilgen. Sonymen qatar sońǵy 2,5 jyl ishinde elimizdegi 1 mln-ǵa jýyq áıel mammografııalyq zertteýden ótip, qaterli isikke shaldyqqan 1500 adam aýrýdyń alǵashqy kezeńinde anyqtalǵan.

14 qarashaǵa deıin ótetin konferentsııa barysynda Anglııadan kelgen myqty maman Rekardo Aýdızı sheber-synyp ótkizedi. Oǵan qatysýǵa elimizdiń 18 mekemesinen mamandar shaqyryldy.

aıta keteıik, atalmysh shara Qazaqtyń onkologııa jáne radıologııa ǵylymı-zertteý ınstıtýtynyń 50 jyldyq mereıtoıyna arnalǵan