Elimizde jyl saıyn 1 myńǵa jýyq adam ata-ana bolý quqyǵynan aıyrylady - G.Ábdiqalyqova
ASTANA. QazAqparat - Elimizde jyl saıyn 1 myńǵa jýyq adam ata-ana bolý quqyǵynan aıyrylady.Bul týraly búgin Astanada ótip jatqan «Qazaqstanda balalarǵa jáne olardyń quqyqtaryn qorǵaýǵa arnalǵan ádil sot júıesin nyǵaıtý» atty konferentsııada QR Premer-Mınıstriniń adamı damý máseleleri boıynsha orynbasary Gúlshara Ábdiqalyqova aıtty.
«Balalarǵa qatysty ádil sot júıesin jáne balalar quqyǵyn qorǵaýdy damytý maqsatynda QazaqstanÚkimeti Eýropa Odaǵymen jáne ıÝNISEF balalar qorymen birlesip, úsh jyldyq baǵdarlamaǵa qol qoıdy. Búginde 20 myńnan astam bala13 myńdaı áleýmettik jaǵdaıy tómen otbasylarda turyp jatyr. Jyl saıyn 1 myńǵa jýyq áke men sheshe ata-ana bolý quqyǵynan aıyrylady», - dep atap ótti ol Qazaqstannyń Balalar quqyǵy jónindegi BUU konventsııasyn ratıfıkatsııalaýyna 20 jyl tolýyna oraı ótkizilgen konferentsııada.
G. Ábdiqalyqovanyń aıtýynsha, atalǵan máselelerdi sheshý úshin memleket pen qoǵam birlese otyryp, júıeli sharalar qabyldaý qajet.
«Qazirgi kezde Úkimet 2015-2020 jyldarǵa arnalǵan Otbasylyq, rýhanı-etıkalyq jáne adamgershilik qundylyqtardy nyǵaıtýǵa arnalǵan sharalardyń Jalpyulttyq josparyn ázirleýde. Josparda balalar quqyǵy men qyzyǵýshylyqtaryn qorǵaýǵa, anany qorǵaýǵa, bıznestik áleýmettik jaýapkershiligin kóterýge, múmkindigi shekteýli jandardy qoldaýǵa, sondaı-aq, ómirdiń qıyn ótkelderine tap qolǵan adamdardy demeýge arnalǵan sharalar bar», - dep atap ótti QR vıtse-premeri.
