Elimizde jyl basynan beri 2699 sábı shetinegen
ASTANA. 14 tamyz. QazAqparat - Bıylǵy qańtar-maýsymda AHAT organdarynda 187,4 myń (181,7 myń) jańa týǵan sábı tirkeldi, bul byltyrǵy qańtar-maýsymǵa qaraǵanda 3,1 paıyzǵa artyq degen sóz.
Statıstıka agenttiginiń aqparaty boıynsha, 1000 adamǵa shaqqandaǵy týýdyń jalpy koeffıtsıenti 22,4 náresteni quraǵan. Bul týraly búgin jýrnalıstermen bolǵan baspasóz máslıhatynda QR Statıstıka agenttiginiń tóraǵasy Álıhan Smaılov málimdedi.
Al qaıtys bolǵan adamdar sany qańtar-maýsym aılarynda 72,5 myń adamdy qurady. Bul byltyrǵy qańtar-maýsymǵa qaraǵanda 2,8%-ǵa (74,6 myń) az.
2012 jyldyń qańtar-maýsymda respýblıkada 1 jasqa deıingi 2699 náreste ólimi tirkeldi. Byltyrǵy qańtar-maýsymda mundaı qaıǵyly oqıǵa sany 2817 bolǵan edi. Júıeli júrgizilgen jumystardyń nátıjesinde byltyrǵy qańtar-maýsymmen salystyrǵanda 1 jasqa deıingi shetinegen náresteler sany 4,2%-ǵa azaıǵandyǵy kórinedi.
«Náreste óliminiń negizgi sebebi perınataldyq kezeńde paıda bolatyn jaǵdaılar dep aıtýǵa bolady, odan 2012 jyldyń qańtar-maýsymynda 1574 náreste ólgen. Bul náresteler arasyndaǵy ólim-jitim jaǵdaıynyń jalpy sanynyń 58,3% paıyzyn qurap otyr. Týa bitken aýytqýlardan ólgender sany 529 ıaǵnı 19,6%, tynys organdary aýrýlarynan 194 (7,2%) jáne jazataıym jaǵdaıdan, ýlanýdan jáne jaraqattan 110 sábı (4,1%) shetinedi», dep atap ótti Á. Smaılov.
