Elimizde júrgiziletin kez kelgen ekonomıkalyq reformalardyń maqsaty - azamattardyń ál-aýqatyn jaqsartý-N. Nazarbaev
Keshe Aqordada respýblıkalyq BAQ ókilderine bergen suhbatynda QR Prezıdenti Nursultan Nazarbaev osylaı málimdedi.
Elbasy Joldaýda aıtylǵan jańa áleýmettik saıasat jedeldetilgen ekonomıkalyq jańǵyrýmen birge qazaqstandyqtardyń ómir sapasyn aıtarlyqtaı artyrýǵa baǵyttalǵanyn atap kórsetti. «Áleýmettik jańǵyrtý isiniń túpki máni - Údemeli ındýstrııalyq-ınnovatsııalyq baǵdarlamany odan ári júzege asyryp, bilim men ǵylym deńgeıin arttyrý, densaýlyq saqtaý salasyn damytý, turǵyn úı qurylysyn jandandyrý, til saıasatyn tıimdi júrgizý, aýylǵa kómek kórsetý», - dedi N. Nazarbaev.
Prezıdent Qazaqstanda bilim berýdi jańǵyrtyp, kásibı jáne tehnıkalyq bilim mazmunyn tolyǵymen jańartý qajettigin atap ótti. Sapaly bilim Qazaqstannyń ındýstrııalyq-ınnovatsııalyq damýynyń negizine aınalýy tıis. Sonymen qatar, densaýlyq saqtaýdy damytýǵa basa mán berilýi kerek. Bul oraıda, sala aldyna qoıylǵan mindetterdi oryndaý nátıjesinde 2015 jylǵa qaraı qazaqstandyqtardyń ómir súrý uzaqtyǵy 70 jasqa deıin, al 2020 jylǵa qaraı 72 jáne odan da árige jetýi qajet.
