Elimizde júrek jáne qantamyr aýrýlary kórsetkishi báseńdeýde
ASTANA. QazAqparat - Elimizde 2012 jyly 100 myń halyqqa aqqanda qanaınalymy júıesi aýrýlarynyń 12800 asa jaǵdaıy, al 2011 jyly - 11750 asa jaǵdaıy tirkeldi. 2011 jyly qanaınalym júıesi aýralarynan 100 myń halqyna ólimge ákelgen 259 jaǵdaıy tirkeldi, al 2013 jyly bul kórsetkish 217-ge deıin tómendedi, onyń ishinde 77 jaǵdaıy ınsýltke baılanysty.
Bul másele jóninde keshe Almatyda ótken dúnıejúzilik ınsýltpen kúresý kúni qarsańynda Qazaqstan kardıologtarynyń Qaýymdastyǵymen uıymdastyrylǵan baspasóz-konferentsııasynda Danııa, Reseı jáne Qazaqstan sarapshylary talqysynda aıtyldy.
Olardyń aıtýynsha júrek jáne qantamyr aýrýlary tek qana Qazaqstanda ǵana emes, sondaı-aq búkil álemde aýrýshańdyq pen ólim jaǵdaılarynyń qurylymynda aldyńǵy qatarly oryn alýda. Alaıda, terapııadaǵy ınnovatsııalyq ádister ınsýlt damýynyń aldyn-alý boıynsha biregeı múmkindikterge jol ashyp, álemdegi kóptegen elderde sátti túrde óz qoldanysyn tapty. Trombtardyń paıda bolýyna kedergi jasaıtyn jańa aýyz antıkoagýlıanttar preparattary qazirgi kezde Qazaqstanda da qol jetimdi ekendigin aıtady.
"Sońǵy oń jyldyqta JF emdeýde ǵylymı jáne terapııalyq ádis-amaldarynda edáýir ilgerleý baıqalady. «Mı qanaınalymynyń jiti buzylystarynyń barlyq sebepteri arasynda júrekshe fıbrıllıatsııasy erekshe oryn alady. Jańa býynyndaǵy peroraldy antıkoagýlıanttardyń sapalyq aıyrmashylyǵy, qazirgi kúnde emdeýshinińiń turaqty zerthanalyq baqylaýdan ótý qajettiligi joq, bul ýaqyt pen kúshti únemdep, nátıjesinde, adamdy profılaktıkalyq tekserýden ótýge túrtki bolady,- deıdi Kopengagen ýnıversıtetiniń nevrologııa jáne tserebrovaskýlıarlyq aýrýlardyń professory Krıger Derk.
Sondaı-aq Qazaqstan Kardıologtarynyń qaýymdastyǵy osy taqyrypqa arnalǵan «Júrekshe fıbrıllıatsııasy kezinde ınsýltty aldyn-alý: zamanaýı amal-ádisteri men bolashaǵy» atty halyqaralyq ǵylymı-tájirıbelik konferentsııasy ótkizildi, munda halyqaralyq deńgeıdegi mamandar Qazaqstandyq doktorlarmen eń jańa klınıkalyq zertteýlerimen, halyqaralyq usynystarymen jáne jańa dárejedegi preparattardyń ekonomıkalyq tıimdiligi boıynsha zertteý nátıjelerimen bólisti dep habarlaıdy.
