Elimizde jumyspen qamtylǵan azamattar sany 68 myńǵa artty

ASTANA. QazAqparat - Respýblıka ekonomıkasynda 2014 jylǵy qazanda baǵalaý boıynsha 8,6 mln. adam jumyspen qamtyldy. Ótken jylǵy sáıkes kezeńge qaraǵanda olardyń sany 68,3 myń adamǵa nemese 0,8 paıyzǵa kóbeıdi.

«Jaldamaly qyzmetkerlerdiń sany atalǵan kezeńde 6 mln. adamdy (jumyspen qamtylǵandardyń jalpy sanynan 69,9 paıyzy) qurady. 2014 jylǵy III toqsan derekteri boıynsha óz betinshe jumyspen qamtylǵandardyń jalpy sanynan jumyspen nátıjeli qamtylǵandar úlesi 71,2 paıyzdy, jumyspen nátıjesiz qamtylǵandar - 28,8 paıyz deńgeıinde boldy»,-delingen QR Ulttyq ekonomıka mınıstrligi Statıstıka komıtetiniń málimetinde. 2014 jylǵy qazanda jumyssyzdar sany baǵalaý boıynsha 456,5 myń adamdy, ıaǵnı jumyssyzdyq deńgeıi 5 paıyzdy qurady. Jumyspen qamtý organdarynda 2014 jylǵy qazan aıynyń sońyna 54,3 myń adam («Jumyspen qamtý 2020 jol kartasy» baǵdarlamasyna qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,6 paıyzyn qamtydy (2013 jylǵy qazanda - 0,6%). 2014 jylǵy 1 qazanda baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,3 paıyzyn qurady.