Elimizde JRVI-men jáne tumaýmen syrqattanýshylyq boıynsha epıdemıologııalyq ahýal turaqty

 dep habarlaıdy QR Densaýlyq saqtaý mınıstrliginiń baspasóz qyzmeti.

  JRVI-men jáne tumaýmen syrqattanýshylyq deńgeıi byltyrǵy jyldyń sáıkes kezeńimen salystyrǵanda 1,2 esege tómen. Baqylaý deńgeıinen artýy tirkelgen joq.

 Epıdemııalyq maýsym bastalǵaly beri «A» tıpiniń maýsymdyq tumaýynyń zerthanalyq rastalǵan 1 ǵana jaǵdaıy tirkeldi.

Medıtsınalyq uıymdarda profılaktıkalyq is-sharalar kesheni kúsheıtildi. Statsıonarlarda naýqastarǵa kirý shekteldi, dene qyzýy kóterilgen naýqastardy bólek qabyldaý júrgizilýde.

Aǵymdaǵy epıdemııalyq maýsymda tumaýǵa qarsy 1 mln.-nan astam adam egildi, bul byltyrǵy epıdemııalyq maýsymnyń sáıkes kezeńinen 1,3 ese artyq kórsetkish.

Dúnıejúzilik densaýlyq saqtaý uıymynyń derekteri boıynsha Eýropalyq óńirdiń barlyq jerinde tumaýdyń belsendiligi tómen. Kóptegen elderde JRVI jáne tumaýmen baılanysty medıtsınalyq kómekke ambýlatorııalyq júginýlerdiń jıiligi maýsymdyq deńgeılerde qalyp otyr.