Elimizde jol erejesin buzý derekteriniń 60 paıyzy avtomatty túrde anyqtalady

ASTANA. QazAqparat – Astana, Almaty jáne Shymkent qalalarynda jolda júrý erejesin buzý derekteriniń 86 paıyzy avtomatty túrde anyqtalady. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Qazirdiń ózinde joldaǵy kólik qozǵalysy erejelerin buzý derekteriniń 60 paıyzy avtomatty túrde anyqtalady. Al Astana, Almaty jáne Shymkent qalalarynda bul kórsetkish 86 paıyzǵa jetti. Atap aıtqanda, el aýmaǵynda 18 myńnan astam statsıonarlyq kamera iske qosylǵan», - dedi Sh. Turlybek mınıstrliktiń kezekti brıfınginde.

Onyń aıtýynsha, qaladan tys joldarda tártipti baqylaý patrýldik kólikterdegi avtomatty júıe arqyly qamtylyp otyr. Búgingi tańda Qazaqstanda mundaı qurylǵylardyń sany 60-qa jetti.

Budan buryn habarlanǵandaı, elimizde bir aptada 3 myńǵa jýyq qylmys tirkeldi.

Aıta keteıik, búgingi brıfıngide Anti-fraud jedel-aldyn alý is-sharasy aıasynda úsh kúnde polıtseıler 150-den astam kıberqylmystyń betin ashqany jarııalandy.

Sonymen qatar, elimizde sheteldik kólikti zańdastyrý aıasynda 61 ótinim maquldandy.