Elimizde joǵary jalaqy tólenetin óńirler belgili boldy
ASTANA. QazAqparat - Elimizde jalaqy kólemi joǵary óńirler qataryna Atyraý, Mańǵystaý oblystary jáne Astana qalasy endi, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.
Statıstıka komıtetiniń málimeti boıynsha, 2018 jyldyń úshinshi toqsanynda bir jumysshynyń ortasha aılyq ataýly jalaqysy 161 783 teńgeni (ótken toqsandyqqa 99,4%, ótken jyldyń toqsanyna sáıkes 109,3 ) qurady.
Aımaqtar boıynsha qarastyratyn bolsaq, kóbirek jalaqy alatyn oblystar qatarynda Atyraý - 310,6 myń teńge, Mańǵystaý - 273,1 myń teńge, Astana qalasy - 240,6 myń teńge.
Almatyda ortasha jalaqy kólemi 197,7 myń teńgeni, BQO - 155,7 myń, Qaraǵandy oblysy - 146,3 myń, Pavlodar - 139 myń, Aqtóbe oblysy - 137, 5 myń, ShQO - 135,8 myń, Qyzylorda oblysy - 132,8 myń, Qostanaı óńirinde - 125,5 myń, Aqmola oblysy - 121,3 myń, Shymkent qalasynda - 113,7 myń, Almaty oblysy -113,6 myń, Jambyl oblysy - 110,9 myń, SQO - 110,8 myń, Túrkistan oblysy - 98,8 myń teńgeni quraıdy.
Bir jumysshynyń ortasha aılyq ataýly jalaqysy jumysshylardyń naqty sanyna jáne esep berý kezeńindegi aılardyń sanyna jalaqy qory eseptegen somany bólý arqyly anyqtalǵan.
Eń joǵarǵy jalaqy alatyn salanyń birinshi ondyǵyna kiretinder: teńiz jáne jaǵalaý júk kóligi 683,2 myń teńge, eńbekpen qamtý 563,4 myń, sý kóligi 560, 8 myń, basty kompanııalardaǵy qyzmet; basqarý máseleleri boıynsha keńes berý 505 myń, mindetti áleýmettik saqtandyrý salasyndaǵy qyzmet 499,2 myń, qubyr jelisi boıynsha tasymaldaý 472,6 myń, áýe jolaýshylar kóligi 417 myń, áýe kóligi 414,9 myń, saqtandyrý, qaıta saqtandyrý jáne zeınetaqy qorlarynyń qyzmeti, mindetti áleýmettik saqtandyrýdy sanamaǵanda - 378, 9 myń, saqtandyrý jáne qosymsha qarjylyq qyzmet kórsetý 374,1 myń.
Áldeqaıda tómen jalaqy alatyn salanyń ondyǵyna kiretinder: jyljymaıtyn múlikti satyp alý jáne satý 51,4 tenge jáne akvamádenıet 58,3myń, mektepke deıingi bilim berý 62,3 myń, birge turyp áleýmettik qyzmet kórsetý 78,3 myń, bastaýysh bilim (birinshi satysy) 80,3 myń, birge turmaı áleýmettik qyzmet kórsetý 80,8 myń, tergeý jáne qaýipsizdik qyzmetin kórsetý 87 734, bilim berý 97,4 myń, joǵary bilim 149,7 myń, veterınarlyq qyzmet 98,2 myń.
2018 jyldyń úshinshi toqsanynda ótken jyldyń osy toqsanymen salystyrǵanda myna salalarda jalaqy ósti: týroperatorlar qyzmetinde, týragenttikter men týrızm salasynda qyzmet etetin uıymdarda - 162 myń teńge, saqtandyrý jáne qosymsha qarjylyq qyzmet kórsetý 374 myń, jeke qoldanýdaǵy kompıýterlerdi, turmystyq taýarlardy jóndeý 237 myń, júkti saqtaý jáne qattaý 130 myń, ózen júk kóligi 149 myń, joǵary bilim 149 myń, qarjylyq jáne saqtandyrý qyzmeti 317 myń, mindetti áleýmettik saqtandyrý qyzmeti 499 myń.
