Elimizde joǵalǵandar men qaıta tabylǵandardy tirkeıtin biryńǵaı baza ashyldy
ALMATY. Tamyzdyń 25-i. QazAqparat /Ádilet Musahaev/ - Elimizde joǵalǵan adamdardy, zattar men janýarlardy, joǵalǵan jáne qaıta tabylǵan qujattardyń buryn sońdy bolmaǵan bazasy ashyldy. Jobaǵa bastamashy bolǵan «PANıKa» JShS-i. Bul jaıynda búgin Almatyda ótken arnaıy baspasóz máslıhatynda málim boldy,
dep habarlaıdy QazAqparat.
«PANıKa» JShS-niń dırektory Aleksandr Ponıgın 1998 jyly jeke oljalar bıýrosyn ashqan kezde keleshekte memlekettik mańyzy bar biryńǵaı baza quramyz degen oı bolmaǵanyn aıtady. "Bizge birneshe ret qarjy polıtsııasy men basqa da organdardyń qyzmetkerleri suraý salyp habarlasyp jatty. Búgingi kúni bizdiń bazada 500 myńǵa jýyq joǵalǵandardyń nemese tabylǵandardyń málimetteri bar", deıdi A.Ponıgın.
Qazirgi ýaqytta «Qazaqtelekom» AQ jáne aqparattyq qyzmet kórsetý ornymen ózara árekettesken jańa baǵdarlama jasalǵan. "Endi qujattardy joǵaltyp, nemese taýyp alyp jatsańyz - eshqaıda barýdyń qajeti joq. Tek «Qazaqtelekomnyń» anyqtama bólimderiniń birine qońyraý shalyp, qujatty joǵaltqan nemese tapqandyǵyńyz jaıly málimet berip telefon nómirińizdi berseńiz bolǵany. Odan keıin bul maǵlumattar birińǵaı bazaǵa tirkeledi", deıdi «PANıKa» JShS-niń dırektory.
Kún saıyn Almatyda eki myńǵa jýyq adam qujatyn joǵaltady eken. Al elimiz boıynsha bul kórsetkish 10 myńǵa jetse, bir jylda 3 mıllıonnan astam halyqtyń qujaty bógde adamdardyń qolynan tabylady.
