Elimizde jınalǵan astyqtyń taza salmaǵy 15,5 mln.tonna - AShM

ASTANA. QazAqparat - Qazaqstanda jınalǵan astyqtyń taza salmaǵy 15,5 mln.tonnny qurady. Bul týraly búgin Astanadaǵy Kórme ortalyǵynda ótken jyl saıynǵy «KazAgro/KazFarm 2014» aýyl sharýashylyǵy jáne mal sharýashylyǵyna arnalǵan kórmede Aýyl sharýashylyǵy vıtse-mınıstri Saparhan Omarov aıtty.

«Oblystardyń aýyl sharýashylyq basqarmalarynyń málimetteriboıynsha, barlyǵy 17 mln.tonna astyq jınaldy. Al olardyń 8 mln.tonnasy eksportqa shyǵarylady», - dep atap ótti ol. Sonymen qatar, onyń naqtylaýynsha, astyqtyń tazalanǵandaǵy salmaǵy shamamen 15,5 mln.tonnanyquraıdy. Al astyqtyń sapasyna keler bolsaq, bıyl jaýyn-shanynyń jetkilikti mólsherde bolýyna baılanysty, ónim óte sapaly bolmaq. «Qalǵan egistikti jınaý aýa raıynyń buzylýyna baılanysty toqtap qaldy. Aýa raıy jaqsarysymen, 10-15 kúnniń ishinde astyq tolyǵymen jınalyp bitedi», - dedi ol. AShM málimetteri boıynsha, 27 qazandaǵy málimetterge sáıkes, jalpy egis kóleminiń 13125,2 myń gektar jeri oryldy, bul 87,5 paıyzdy quraıdy. Ortasha ónimdilik ár gektarǵa 12,3 tsentnerden keldi.