Elimizde jetim balalardyń tamaqtanýyn jaqsartý jobasy qolǵa alyndy

dep habarlaıdy QazAqparat.

«Joba jarty jyl boıy josparlanyp keldi. Bul  ilki jobaǵa Astana, Almaty qalalary jáne oblystaryndaǵy segiz balalar úıindegi 6 aı men 3 jas aralyǵyndaǵy 200 bala qatystyrylady. Odan soń 6 jáne 120 bala egjeı-tegjeıli zertteýge iriktep alynady. Bul zertteýler balalardyń densaýlyǵynyń damýy men tamaǵynyń statýsyn tolyq túsinýge, elimizdiń basqa da balalar úılerine sapaly taǵamdardy engizý úshin tıimdi jáne durys tamaqtaný josparyn daıyndaýǵa múmkindik beredi. Jumys barysynda qazirgi tańdaǵy qazaqstandyq balalar úıindegi balalardyń ratsıonynda jetispeıtin dárýmender men mıneraldar qosylǵan nárli taǵamdardy anyqtaıtyn bolamyz.  Jobanyń maqsaty - ata-anasyz ósip jatqan balalardyń fızıkalyq   jáne ıntellektýaldyq  densaýlyǵyn nyǵaıtý bolyp tabylady», deıdi Balalar taǵamy Qazaq qorynyń atqarýshy dırektory Aıgúl Syzdyqova.

Onyń aıtýynsha zertteýlerdiń nátıjeleri balalar úıindegilerdi tamaqtandyrýdyń jańa zaman talaptaryna saı erejeleri Densaýlyq  saqtaý mınıstrligine keńes retinde qarastyrýǵa usynylady.

QR Densaýlyq mınıstrliginiń málimetteri boıynsha  balalar úıindegi balalardyń 40 paıyzǵa jýyǵynyń fızıkalyq damýy artta qalǵan, 25 paıyzynan astam balalar anemııamen aýyrady, olardyń 16 paıyzy tamaq jetispeýshiliginen nemese sapasyzdyǵynan týyndaǵan basqa da kemshilikterge dýshar bolyp otyr. 

Joba  Balalar taǵamy Qazaq qorynyń, «Nestle» kompanııasy men «Spoon» Halyqaralyq qorynyń,  Densaýlyq  saqtaý mınıstrligi men Qazaq taǵamtaný akademııasynyń qoldaýymen iske asýda.

Jobany uıymdastyrýshylardyń aıtýynsha, balalar úılerindegi bala tamaǵyn jaqsartýdy kózdeıtin jobanyń nátıjeleri eldiń ǵylymı, medıtsınalyq ortalyqtary men halyqqa usynylyp, joba tamaqtaný úlgisin qalyptastyrýǵa negiz bolady.